tobbetto

Jæja félagar

Þrjár vikur liðnar. Tvær vikur fóru í það að leita að íbúð. Það var ævintýri. Hvað sagði Helgeh Bjeess? Fee lee lee lee lee eeeveeenteeereee eeenn geeereeest!

Það er erfitt að vera skítugur útlendingur í útlandinu. Íbúðirnar of margar, of dýrar, of litlar og að lokum vildi mig enginn því alltaf var það þannig að samleigjandi þess sem talað var við vildi ekki útlending í íbúðina. Aldrei sá sem talað var við.

Að lokum þá fannst íbúð. Stór hóra. Erum 5 í íbúðinni og ég sé varla nokkurn tímann þá sem búa með mér. Þrír skSpánverjar og ein skÞjóðverji. Hún fór að gráta þegar hún heyrði að ég talaði skspænsku eftir einungis 3 vikur. Hún er á þriðja árinu og hefur ekki enn náð tökum á tungunni.

Svo er leikaraparið. Legz akimbo! Þau eru par... ég veit ekki hvort hún sé leikari líka. En hann er Legz Akimbo. Fær eitthvað lítið að gera í leikhúsinu núna og ferðast því til suður-skspánar til að taka þátt í brúðubílnum fyrir börn fyrrverandi þegna máranna.

Svo er það adidas. Hvað get ég sagt? Drengurinn hefur gaman af því að klæðast hvítum íþróttagöllumö, sletta "Man Tan" framan í sig og skokka á hárgreiðslustofuna til að hressa upp á strípurnar.

Þetta lítur bara vel út. Nú er það annars konar "Casting". Þeytist á milli atvinnuviðtala. Þetta er góð lífsreynsla. Nú er ég búinn að læra það til dæmis að margar atvinnumiðlanir hringja í þig og bjóða þér í "viðtal" einungis til þess að segja þér síðan í lokin.. "reyndar þá erum við ekki með neina vinnu handa þér akkúrat núna. En við hringjum í þig!" Í síðasta viðtali, sem hafa öll farið fram á skspænsku, þá var hún ekki alveg nógu hrifin af því að ég talaði bara 4 tungumál. Fannst lítið til þess koma og sagði: "Gott og vel, enska, ítalska, íslenska og svolítil skspænska, en geturðu talað rúmensku?"

Ég get þó lítið kvartað. Þau hringja í mig og bjóða mér. Er enn að bíða eftir því að komast í "klíkuviðtalið." Þau fresta því viku eftir viku. Krossleggjum nú fingur og vonum það besta.

Madrid er snilld og hér á ég heima:(fyrir þá sem þekkja Madrid þá má sjá á þessu korti Plaza Mayor og Puerta de Sol... nær freaking miðbænum kemst ég ekki.)

Ver mapa más grande

Bis später! (ef ég man rétt skþýskuna)