Vil leiðrétta misskilning

Það hefur gætt einhvers misskilnings vegna umræðu um að vændi sé ofbeldi og það sé niðrandi að fækka fötum gegn greiðslu. Fleiri manns hafa haft samband við mig og verið að spyrjast út í þessi mál og mína skoðun á þeim. Hér er hún: Ég hef ekkert á móti því að selja líkama minn né fækka fötum gegn greiðslu. Þvert á móti tek ég því sem hóli. Svo við þá/þær/þau sem hafa kannski verið feimin við að spyrja þá bið ég ykkur endilega að vera ekki hrædd, líkami minn er hér á þessari jörðu til þess að sem flestir fái að njóta hans. (Þið sem senduð inn tilboð og fyrirspurnir þá er ég alveg tilbúinn að gefa eftir af uppsettu verði)

En aðeins aftur að stelpum og hvernig ég skil þær bara alls ekki. Nú verð ég að taka það fram að ég á ekki kærustu en það hefur komið fyrir á síðustu tveimur mánuðum að þrjár ólíkar stelpur hafa sagt nákvæmlega sama hlutinn við mig þegar við höfum verið einhvers staðar saman (Vinkonur. Ég segist vera samkyngirndur og þær sýna mér nýju nærfötin sem þær voru að kaupa. Virkar fyrir mig). "Ó nei! Ég er byrjuð á túr."

Í fyrsta lagi þá veit ég aldrei hvernig ég á að taka á þessu. Klappa þeim á bakið og segja "gott hjá þér!"? eða "Lykkjan ennþá að virka og þeir sögðu að hún myndi bara endast í fimm ár. Hvað ertu komin upp í? Sjö? Átta?." eða "Vei! Frí í leikfimi! Bíddu.. er leikfimi kennd í háskólanum? Ætti ég að vera að taka þann kúrs? Kemur leikfimispurning á næsta prófi?" eða "Ég samgleðst þér en ég er sjálfur seinn þennan mánuðinn. Ég get ekki verið ófrískur!!! Ég hef bara ekki tíma fyrir barn núna!!!"

Í öðru lagi þá veit ég ekki hvernig þær fatta þetta. Ég meina, þegar ég verð blautur í buxurnar þá er nokkuð ljóst að ég hafi migið á mig. Þetta er kannski bara afsökun hjá þeim til þess að komast hjá því að viðurkenna það að hafa migið á sig? Bendi á "Í fysta lagi.." þessa bloggs. Ég á einhverjar vinkonur (og fyrrverandi vinkonur) sem hafa orðið ófrískar og mér skildist á þeim að það eina fyrir utan það að bumban og brjóstin á þeim stækkuðu ólýsanlega var að þær voru að míga á sig í tíma og ótíma. Þar aftur held ég að þetta sé bara afsökun. En samt helvíti góð verð ég að viðurkenna. Löng röð í hagkaup og þú nennir ekki að bíða: "Afsakið! Afsakið! Ég er komin fimm mánuði á leið og ég er búin að míga á mig! Mætti ég fá að komast fram fyrir?" Hvaða illmenni myndi segja nei?

Í þriðja lagi þá er ég, eftir að hafa velt þessu fyrir mér, kominn á þá skoðun að konum finnst gaman að míga á sig. Hlýtur að vera. Ég er ekki að dæma. To each his own sagði einhvers staðar. Ef þetta væri kynlegur klúbbur þá myndi ég örugglega skrá mig í hann. Ég lofa. Þetta væri kynlegur klúbbur samkvæmt gömlu skýringunni alla vegna.

Hérna hafið þið sem sagt skýringu númer milljón á því hvers vegna ég skil ekki konur.

Punktar fyrir næsta ár..

Ég er enn með hugan við kvennafrídaginn. Mig langar til að hjálpa og er með nokkur slagorð sem ég held að gætu slegið í gegn og komið konum fyrir fullt og allt á kortið. Allir saman svo:

"Sýnum samstöðu. Sætari stelpur!"

"Brjóstastækkanir! Gagn og nauðsyn!"

"Færri blæðingar. Meira kynlíf!"

"Áfram stelpur! Hættum að nöldra!"

"Kyngja eða spýta! Okkar er valið!"

"Blowjob handa blindum. Bar´upp á grínið!"

Kynleg fyrirlitning myndi þetta kallast held ég. Held að málið sé að ég er bæði veikur og graður. Þar sem móðir mín er í tveimur vinnum þá hefur hún bara getað aðstoðað mig með annan hlutinn og ég er því ennþá að drepast úr beinverkjum og hor.

Skipulagsmál unglingadrykkju og -kynlífs

Sverrir gasmadur. Hver ertu? Ég veit það ekki en það er gaman að þú skulir minnast á þetta. Ég hef nefnilega verið að velta þessu örlítið fyrir mér. Þú bjóst kannski við því að ég væri ekki eilíft að hugsa um þessi mál en ég skal segja þér eitt; ég hugsa ekki um annað. Hér eru mínar hugmyndir sem ég ætla að kynna á laugardaginn:

1. "Vatnsvernd" Ég er reyndar svolítið hræddur við að nota þessa hugmynd eftir umræður síðustu daga. Hvað ef Byko sakar mig síðan um að hafa stolið hugmyndinni frá þeim? Ég þori ekki í kasljós til þess að svara fyrir mig. Hvað ef ég var fullur og man bara ekki eftir því að hafa stolið þessari hugmynd? - Hún gengur samt út á það að skellt verði plastþaki yfir vatnsmýrina og öllum útlendingum sem koma til landsins tryggð "vatnsvernd" og endurgreitt 20% af farinu ef þeir sjá fallegri vatnsmýri í öðru landi.

2. "Ég sé fyrir mér álfahöll" - Ég vil að byggð verði álfahöll í vatnsmýrinni. Flugvöllurinn lagður í eyði og Herjólfur fær það hlutverk að ferja dreifbýlinga milli staða. Hann fari alltaf hringinn í kringum landið, fyrst réttsælis og svo rangsælis til þess að gæta fyllstu sanngirni. Álfhöllin á að skara yfir borgina. Fólk á að kikna í hnjánum þegar það lítur hana augum. Álfaryki á að gjósa úr álfareykháfum sem verða á öllum hliðum hallarinnar. Var ég búinn að segja frá álfaorgelinu sem spilar álfalög í tuttugu og fjóra tíma á dag. Fólk klætt sem álfar sem dansar við álfalögin og allir sem vilja fara inn í hana verða að vera klæddir sem álfar!! Þetta verður vinsælla en Disneyland!!

3. "Þekkingarþorpið" - Þar sem töffarar þekkingarinnar koma saman og krúsa á köggum meistaranáms um kvartmílubraut hærri menntunar!

4. "Bílafallbyssan" - Á heila tímanum verður bíl skotið úr fallbyssu þar sem flugvöllurinn var. BÚÚÚÚMMMM!!!! Ég klappa meira að segja núna og það er ekki einu sinni búið að byggja hana.

5. "Laserveggur" - Byggður verður stærsti hvíti veggur í heimi og lasersjó sem byggt verður á víkingasögunum (en samt smá líka á mikilvægi háskólamenntunar til jafnréttis kynjanna) verður blastað á vegginn stanslaust í tíu ár. Svo verður skipt um og lasersjó sem byggt verður á ævi Jóns Sigurðssonar (og kannski smá líka mikilvægi háskólans í endurmenntun ungra karlmanna sem duttu út úr skóla á menntaskólaárunum) verður sýnt í tíu ár. Lengra er ég ekki kominn með laservegginn en fólk kemur hvaðanæva af til þess að bera hann augum. Jafnvel lengst úr Mosfellssveitinni.

6. "Lífrænt ræktaður flugvöllur" - Fyrsti lífrænt ræktaði flugvöllur í heimi. Flugbrautin úr harðkorna-húmmus og flugvallarbyggingin sjálf úr steypu sem ræktuð verður á rísastórum ökrum í fersku háfjallalofti Íslands. Hefði Berlínarmúrinn ekki verið mannlegri ef hann hefði verið smíðaður úr svoleiðis steypu?

Komið nóg í bili held ég. Þarf að leggja höfuðið í bleyti og reyna að bæta einni eða tveimur hugmyndum í viðbót.

Sérstök verðlaun kvöldsins fær Kastljós fyrir það að taka viðtal við Forsetann um unglingadrykkju og vímuefnanotkun og um leið og viðtalið var búið þá tóku við ekki ein heldur tvær áfengisauglýsingar. Glæsilegt. Snilld. Ég ætla að vona að einhver hjá Sjónvarpinu hafi verið svona sniðugur og gert þetta viljandi. Annars voru þetta brilliant leiðbeingar í kvöld um það hvernig maður ætti að komast yfir unglingsstúlku. keyptu handa henni sígarettur og áfengi og þæ færðu örugglega að sofa hjá henni. Ég ætla með kippu af bjór og einn marlboro og krúsa um grunnskólana á morgun og athuga hvort ég verð ekki heppinn.

Eitt í viðbót með Kastljós. Það er klukka uppi á vegg í settinu þar sem fjórir er táknað með IIII en níu með IX. Rocky var nú alltaf númer IV. Nei, bara að tékka.

Ragnnefni!!

Hér kemur ástæðan fyrir því að ég hata umræður um jafnrétti. Lesið þetta:

"Kynjaborgin Reykjavik (29.10.2005)

Reykjavíkurborg og Rannsóknastofa í kvenna- og kynjafræðum við H.Í (RIKK). standa fyrir málþingi þar sem sjónum verður beint að sögu og stöðu kvenna í borginni, jafnt í daglegu lífi sem listum. Fjallað verður um stiklur í sögu kvenna í borginni, rýnt í tölur um félagslega stöðu, skipulagsmál skoðuð út frá kenningum feminista og kannað hvernig lif kvenna speglast í bókmenntum, kvikmyndum og myndlist. Sjá nánari dagskrá á heimasíðu RIKK. Stadur: Listasafn Reykjavíkur - Hafnarhúsinu Vefslóð: www.rikk.hi.is"

Af hverju er þessi fyrirlestur ekki kallaður "KVENNABORGIN REYKJAVÍK"????? Það verður bara fjallað um eitt kyn á þessum fyrirlestri. Kalla það þá réttu nafni. Það er það eina sem ég bið um. Kannski er þetta bara skemmtilegur orðaleikur. En ég held ekki. Hvað er líka málið með að nota orðið kynlegt um allt í dag. Eitt sinn hafði þetta ákveðna merkingu en nú eru allt í einu til kynleg samtök sem krefjast jafnréttis. Svo er líka til kynleg umræða. Ég lærði aðra merkingu á þessu orði og ég ætla að halda mig við hana. Mér finnst þessi nýja eins og hún hafi verið búin til af fólki sem var of lengi í háskóla og hafði of lítið að gera.

Kvennafrídagurinn

Uppáhalds skiltið mitt var: "Konur til Valda!"

Ég er að bíða. Þær hljóta að vera á leiðinni.

Skaphundurinn móðir mín

Ég á í mestu erfiðleikum með að halda uppi samræðum við móður mína. Hún er skaphundur og missir stjórn á skapinu við minnsta tækifæri. Tvö dæmi þar sem við sátum í gær og horfðum á fréttir. Annað hafði með presta að gera og hitt bróður minn. Þetta með prestana var þannig að hún spurði mig hvort það væri ekki hægt að fá hvaða prest sem er til þess að skríra eða gifta eða hvað það nú er og ég segi við hana "þetta er eins og hórurnar, selur sig hæstbjóðanda" og guðný tryllist. Skapið. Þetta með bróður minn var þannig að hún var eitthvað að velta því fyrir sér á hvaða tónleikum bróður minn væri. Hún missti aftur stjórn á skapinu þegar ég minntist á að hann og vinir hans væru að sjúga typpi til þess að komast inn á tónleika. Ég held hún þurfi á skapstjórnun að halda. Ætli það sé svona MBL nám uppi í háskóla?

Kötturinn ég

Guðný búin að versla íbúð svo ég flyt með henni þangað til mín mál skýrast. Ekkert meira breiðholt. Hversu sætt er að láta þessi orð leika um varirnar. Hversu? Kannski þarf ég að flytja strax um helgina? Spennandi! ótrúlega!

Var ég búinn að segja ykkur hvernig gekk um síðustu helgi? Ég man það nefnilega ekki og nenni ekki að kíkja á það sem ég skrifaði í þessari viku svo ég læt það flakka. Var búinn að staðhæfa eitthvað um að reyna við allt sem hreyfðist. Læt það vera að ég hafi verið svo rosalega grimmur. Það eina sem gerðist var að ég fékk að fara í svonefnda þriðjupersónuviðreynslu. Hún er æðisleg og á sér stað einhvern veginn svona:

ég:"hæ!"
3ja persóna:"Hún ætlar ekkert að tala við þig!"
eða
"Hver ert þú?"
"Tobbi."
"hún ætlar ekkert að tala við þig!"

Og þar með er sagan öll. Veit ekki hvort þetta séu samantekin ráð hjá stúlkum? Ekki þá gagnvart mér persónulega heldur bara öllum strákum. Þetta er ekki í fyrsta skiptið sem ég lendi í þessu og var væntanlega ekki það síðasta. Samt hefur þetta ekki góð áhrif á sálina, það eina sem gæti verið verra væri það ef mamma hennar væri með henni og segði þér að hóra þér í burtu.

"Hún Mjöll Mjöll er að leita að einhverjum skemmtilegum og sætum. Skottastu nú!"

En ég skal hætta þessu. Bíð eftir stúlku sem reynir við mig.... (okei, ég geri mér grein fyrir því að þetta gæti orðið skuldbinding til margra ára og jafnvel áratuga en ég ætla að standa við þetta)

Aðeins að Bubba.
"Hverjum?"
Bubba. Bubba Morthens. Frægur söngvari.
"Nei... ég er ekki að kveikja... ertu með mynd af honum?"
Ekki á mér, nei. Alla vegna hlustaðu bara.

Ef Bubbi nær sér í nýja kærustu, reynir hann þá að gefa þeim gömlu plöturnar sem gjöf? "Ja... hérna... ég samdi þessa plötu handa þér." Öll gömlu lögin handa Brynju endurunnin.. samt ekki, bara tileinkuð upp á nýtt. Situr á nærbuxunum inni í eldhúsi með kassagítarinn og syngur "Það er gott að eeeeelska.." og lýgur að þeirri nýju að lagið hafi verið samið um hana. Til að vinna sér inn punkta. Hann myndi örugglega vinna sér inn nokkra ef hún vissi ekki að hann hefði samið það fyrir aðra. Þetta væri svolítið low en ef hún vissi ekki um lagið???... ha?... ha?...

Á morgun ætla ég ekki að ljúga að neinum. Það eina sem ég ætla að gera er að elda 3ja tíma rétt og leyfa the fam að smakka. Við skulum vona það besta.

Bubbi. Ég hugsaði málið aðeins og styð þig heilshugar. Ef þú vilt gera það þá er ég hundrað prósent með þér.

Gleymdi einu. Var að horfa á ástarfleyið í gær. Gott íslenskt efni. Ein spurningin var held ég um hvað væri það vandræðalegasta sem hefði komið fyrir umsækjendur. Þau voru ekki enn orðnir þátttakendur. Eða voru þau það? Þau mættu í prufurnar og þar með voru þau kannski orðnir þátttakendur? Þetta er eitthvað sem heimspekin ætti að taka að sér, hvenær eru umsækjendur í raunveruleikaþætti orðnir þátttakendur?

Hvað með það... það vandræðalegasta. En svo ljúga allir. Það vandræðalegasta er aldrei neitt rosalega vandræðalegt. Frekar eitthvað eins og: "ég helti tómatssósu yfir mig alla þegar við vorum að borða pasta með tómatssósu á jólunum heima í asparfellinu! Ó mæææææææ gottttttttt! Ég hélt ég myndi deyja!" Ef þú hefur ekkert vandræðalegt þá áttu bara að ljúga. Ljúga stórt! Stærra!! Stærst!!! Þegar ég fer á næsta ári þá er ég með mína vandræðalegu sögu tilbúna: Ég og Lendar Logi vinur minn erum heima hjá honum (kannski verðum við heima hjá mér því endinn yrði þá vandræðalegri, fyrir mig) og ákveðum að totta hvorna annan, ekki að því að við erum samkyngirndir heldur af því að við erum forvitnir, og ég bít óvart í annað eistað á honum þegar mamma mín labbar inn með popp og kók handa okkur því hún hélt að við værum að horfa á videó.
Þetta er vandræðalegt. Þú beist í punginn á vini þínum og mamma þín þurfti að horfa upp á það! Hvort væri vandræðalegra? Þyrfti vinurinn til dæmis að fara upp á slysó? Segjum sem svo að þið væruð bara sextán og mamma þín þyrfti að skutlast með ykkur. Vandræðaleg þögn í bílnum? Ég myndi halda það.

Nú ætla ég að hætta. Þið hafið nóg af hlutum til þess að velta fyrir ykkur um helgina. Ef ég ætti að bæta einu við þá væri það kannski þetta með kynskiptingana. Kynskiptingur sem síðan sefur hjá eigin kyni, hvernig yrði hann flokkaður?

Símanúmer í húsi

Fékk símanúmerið frá stúlkunni sem ég varð yfir mig ástfanginn í Mílanó. Nú er að reyna að sannfæra hana um það að ég sé ekki geðveikur. Hún veit nefnilega ekki að ég sé með númerið. Ég ætla samt að senda henni skilaboð. Maður verður að fylgja hjartanu.

Völundur er snillingur

Hér er vísbendingin.

Hér er svarið (kvk hluti myndarinnar)

Getraun

Hvaða fræga sjónvarpspersóna er þetta (guð veit ég fer til helvítis fyrir að gera þetta)

Svara í kommentakerfið.

Halanegrar

Af hverju enda ég alltaf í því að taka tvo daga?

Útgáfutónleikar í kvöld og ég ætla ekki að gera annað en að reyna við allt sem að hreyfist. Ég geri það alltaf.

Verkefnavika í háskólanum.... sé mig læra á fullu alla vikuna.

Af hverju ljúga þeir allir?

Veit ekki af hverju en þessi dagur er ekki að leggjast vel í mig. Viðbjóðslega pirraður. Út í allt og alla. Ég þessi friðelskandi og froskakyssandi ímynd óhóflega reykjandi og drekkandi æsku. Ég var einu sinni ungur. Þið stóðuð mig í því að ljúga. En ég er lýsandi dæmi þess að þrátt fyrir að ofnota áfengi, beikon og sígarettur þá tekst mér að halda í fegurðina. Svo þið ættuð ekki að gefast upp. Einn dag gætuð þið orðið jafn falleg og ég. Ýkjur? Alls ekki, þetta kallast skáldaleyfi.

Af hverju geta læknar aldrei sagt sannleikann? Hvað fær þessa lærðu stétt til þess að horfa í augun á trúgjörnum sjúklingum (líkt og mér) og ljúga? Ætli það sé ekki þess vegna sem ég sé svona úrillur í dag? Hef komið upp um stóra lygi og þarf að byrja í meðferðinni aftur. Sex mánuðir af pilluáti. Síðustu sex mánuðum fyrir tveimur árum síðan vil ég helst gleyma.

Það er eins og ég tali í gátum. Ja, þetta er nú kannski ekki eitthvað sem er auðvelt að tala um, maður reynir að fela þetta því það er ákveðin skömm sem fylgir því að míga blóði. Mér var kennt það í æsku að skammast mín fyrir það og geri það enn.

Þetta tók sig upp aftur fyrir einhverjum dögum síðan. Í kringum 1. okt. ef mig minnir rétt. Þá byrjaði kláðinn í klofinu, það mikill að ég átti erfitt með svefn. Svo fyrir tveimur dögum síðan þá meig ég blóði. Meira heldur en mig hefði langað til. Svo það var ekki annað að gera en að leita til læknis.

Það virðist sem svo að kynsjúkdómurinn sem ég náði mér í hjá skítugu hórunni í ölpunum fyrir tveimur árum hafi gossað upp aftur. Einhvers konar samblanda af blöðruhálsbólgu(það var kalt í ölpunum), klamydíu(ég sagði að hún var skítug( og ég kannski ekki þrifnari)) og fuglaflensu(ég hafði ekki hugmynd um að markaðurinn sem ég naut hennar á hafi verið rúmensk-tyrkneskur fuglamarkaður).

Já, fyrir 3 mínútur og 50 evrur er ég aftur kominn með hann. Þeir hafa ekki fundið nafn á hann ennþá en eru að hallast að því að nefna hann eftir mér. Þeir eru samt í vafa um það hvort -licious endinn á nafni sýkingarinnar gæti haft þau áhrif að fólk myndi sækjast eftir því að krækja sér í hana.

Læknar standa eiginlega ráðþrota yfir því hvernig þetta gat blossað upp aftur. Var á það sterkum sýklalyfjum síðast. Einn sagði þegar ég minntist á það hvar ég ætti heima að líklega hefði þetta blossað upp aftur þar sem kynsjúkdómar og sýklar virðast vera hluti af andrúmslofti breiðholtsins. Ég lagði til nafnið Fella og hóla-heilkenni.

Las það í Samúel...

... eða einhverju öðru blaði að Chris Martin söngvari Coldplay ætlaði að ögra hljómsveit sinni og þeim tónlistarstíl sem þeir aðhyllast með því að hórast í dúett með Celine Dion.

Vó!! Þetta heitir að ögra! Hvað getur maður eiginlega sagt? Rólegur Chris! Hættu að ögra svona mikið. Heimurinn er bara ekki tilbúinn fyrir svona róttækar breytingar. Beint úr versta píkupoppi (þetta er kannski svolítið ýkt að kalla þetta versta píkupopp þar sem ég man að ég hlustaði á nýju plötuna með nokkrum vinum og man að það eina sem við gátum sagt eftir það var; "Heyrðir þú eitthvað?" Svo ég ætti kannski að kalla þetta ótónlist þar sem ég varð ekki var við eitt einasta lag? ÓTÓNLIIIIIIIST!!!! Þegar þú átökin eru engin!!) yfir í..... hvað? Róttækt ögrandi ballöðupopp? Ef hnén á mér gætu hætt að skjálfa!

Það er ekkert jafn ögrandi og þegar tófúhamborgaraétandi umhverfissinni ákveður að ögra heiminum!

Kjötætur jarðarinnar!! Búið ykkur undir heimsyfirráð kanadíska þokulúðursins og húmmuselskandi ástmögur gwynethar.

Verið hrædd, mjög hrædd.

p.s. Ég held enn í vonina að gwyneth reddi þessu
("Nei Chris! Hugsaðu um apple, heldurðu virkilega að hún geti höndlað alla þessa ögrun?"
"Nei. Hætt þú að ögra gwyneth!"
"En það ert þú sem ert að ögra!"
"Hættu! Þú ert að ögra! Þú ert lítill ögurkall. Ég verð hrædd við þig svona ögrandi."
"Ef þú segir mér einu sinni enn að hætta að ögra þá syng ég tvö lög með Celine, ögraðu þetta!"
... og ég gæti haldið áfram).

Auð ævi eða auðæfi??

Ætli ég þurfi ekki að fara að velja hvort ég vilji?

Datt í hug að ég gæti orðið ríkur á því að búa til tungumálakennsluþætti handa nýslendingum. Sá þessa þætti sem voru einhvern tímann sýndir klukkan hálf þrjú um nóttina en mér fannst þeir ekki nógu beinskeyttir. Mínir yrðu þannig að ég myndi reiða þá til þess að læra tungumálið.

Búinn að skrifa niður nokkur atriði sem gætu verið í þættinum:

"Komdu þér aftur inn á klósett að skrúbba eða ég hýði þig með bambus líkt og pabbi þinn gerði!"

"Þetta kallast svið. Almennilegur matur annað en þetta hummus og kús kús kjaftæði sem þú ert vanur heiman frá þér!" (jafnvel væri hægt að auka áhrifin með því að slá hann utan undir með sviðinu.)

"Litli skítugi útlendingurinn minn! Þetta.... HORFÐU Á MIG Á MEÐAN ÉG TALA!!!..... er sápa. Bannað að borða samt."

"Hér eru engar kerrur og hestar. Nei hjá okkur eru það bílar og bensín. Bíííííííííílaaaaaaaaaaar ooooooog bensííííííííín. Ertu að skilja?"

"Rafmagn!!! Sjáðu!, kveikja! slökkva! kveikja! slökkva! kveikja! slökkva! Búinn að ná þessu?"

Nú er að ná að selja hugmyndina til sjónvarpsins. Er ekki öllum fyrir bestu að ný...... íslendingarnir læri tungumálið? Kemur í veg fyrir hryðjuverk.

Eins og allir ættu að vita þá er ég fluttur tímabundið upp í Breiðholt og bý með fjölskyldunni þangað til ég finn mér annað húsnæði. Sambúðin gengur svona upp og ofan. Mamma, það er engri móður til sóma að láta lögregluna hirða sig. Ég sagði þér það að ég var bara að grínast þegar ég sagðist ætla að "götta þig eins og svín!"

Ætli háskólinn sé með ókeypis lögfræðiaðstoð fyrir nema? Best að hringja og komast að því.

Gleymdi

Éttla þá að klukka alla Góðbjóringa

Hlekkjaður

Ég var klukkaður af einhverju geðsjúklingi. Ég ætla samt að svara því.

1. Ég er einstalklega óheppinn með líkamshár. Ég er óeðlilega loðinn á löppunum, rassinum og andlitinu en á efri hluta líkamans er eins og geðsjúklingur hafi heftað teppabúta út um allt.

2. Ég er mjög tilfinningaríkur og -næmur. Ég man að eitt sinn sá ég einhvern strák á göngum menntaskólans sem virtist vera að grenja. Svo ég spurði hann: "Ertu að grenja, auminginn þinn?"

3. Mér er lífsins ómögulegt að möltítaska (fjölframkvæma??). Eina skiptið sem ég man eftir að hafa tekist það var þegar ég og stelpa sem ég þekki vorum að ríða og ég stakk puttanum upp í rassinn á henni.

4. Ég á stundum erfitt með að halda uppi samræðum við fólk. Sérstaklega þegar sá sem ég tala við segir sögur af afa sínum sem skaut ömmuna eða að hafa misst fóstur.

5. Ég hata fólk sem smjattar við matarborðið, í símann og pétur jóhann sigfússon. Ég fæ sting í endajaxlana að heyra allt þrennt.

Gott að opna sig svona.

Þaðan af

Þá er ég kominn heim í gleðina. Þrír dagar í london þar sem það skemmtilegasta sem kom fyrir var að marcella missti af fluginu til skÍtalíu og þurfti að gista á flugvellinum. Það var ekki mér að kenna. Við náðum einum guinnes í viðbót til að kveðjast almennilega.

Ég er orðinn skólastrákur aftur!!! Fyrsti skóladagurinn frá því í febrúar. Þetta er alveg eins og að hjóla, ég er bara engu búinn að gleyma. Inn í stofu, bækur á borð, leggja haus á borð, sofa. Ég skil ekki hvað þessir háskólanemar eru að kvarta.

Breiðhooooooooooooooooooooooooooooooolt!!!!!!