Popp og Kók listinn vann keppnina svo engra breytinga að vænta í amk eitt ár. Þau eru samt voðalega sæt, ég held að það sé fyrir öllu. Pepsi og Doritos krakkarnir fá engu að ráða annað árið í röð og eru væntanlega brjáluð út í Vatn og Tófú listann sem kom inn á lokasprettinum og hirti af þeim atkvæðin sem þau "áttu", fara væntanlega fram á það að þeim verði skilað. "Komið með þessi atkvæði, við eigum þau!! Þið máttuð alveg vera með en þetta er komið gott. VIð viljum fá þau aftur. Við vorum bara að lána ykkur þau." Má búast við því að lán hækki um 100%, götum verði eytt úr stundaskrám og upplýsingar frá Háskólanum verði á mannamáli. Nei, ég var bara að grínast.

Sumir menn eru fyndnari en aðrir. Þessi maður er fyndnastur. Svarar emeilum með viðbjóðslega fyndnum kommentum. Verður að sjá til að trúa. Funny freakin´ shit.

Þessi próf sanna það sem ég hef alltaf sagt. I´m so fucking gay. Ekki arða af karlmennsku í mér. Veit ekki hvernig ég á að segja Deezu þetta?

Þarf víst að fara að hóra mér í Vesturbæjarlaugina. Æfa sig sko.


The Olympic Men's Diving Team Champion


What's Your Personality Type?
brought to you by Quizilla


your bitch.


What swear word are you?
brought to you by Quizilla


You're A Yaoi Boi (Gay Boy)!
Sensitive and caring, you just want some boyXboy
love! Is that too much to ask?


What Type Of Anime Character Are You?
brought to you by Quizilla

Ég og og Spörri Seríós sáum sátum sem límdir við skjáinn í gær. Ástæðan var sú að gamalt og gleymt teymi hafði sameinast eftir mörg ár í sundur. Tárin steymdu niður kinnarnar þegar Scott Bakula og Dean Stockwell hittust á ný og glöddu hjörtu gamalla lúða. Quantum Leap-possé-ið laust niður í heim okkar og er sterkara en nokkru sinni fyrr. Ekki eru þeir þó félagar í þetta skiptið heldur þjóna þeir sitthvorum herranum og verður fróðlegt að fylgjast með framvindu þessa máls í náinni framtíð. Sýnir líka hvað þessir menn eru ótrúlega fjölbreyttir og hæfileikaríkir, það er ekkert verkefni of erfitt fyrir þessa menn og var maður strax sokkinn djúpt í heimspekilegar hugleiðingar um hvað vináttan er fallvölt og það sé aldrei hægt að treysta á neitt í þessu lífi. Fyrir þá sem ekki vita hvar þeir sameinuðust þá er þeim bent á sjónvarpsdagskrá gærdagsins hjá RÚV.

Verð víst að biðjast afsökunar. Ég trúi henni ekki honum. úpps!!!! Look at the cute birdie.

mér var bent á það af Hel að Pheobe Cates hefði leikið í Gremlins. Ég trúi honum.

Hef fundið besta meðal fyrir þunglyndi. Það er platan Innervisions með Stevie Wonder. Hvílík snilld, ef það er fólk til sem segir að Jagúar séu góðir þá hefur það ekki hlustað á þessa plötu. Bara fyrir þessa plötu væri ég til í að klæða mig í bikíni og vefja mig inn í sellófan til þess að gleðja Stevie. Vá hvað þetta er fokkingsgóð plata.

Hef tekið þá ákvörðun að það voru hræðileg mistök að byrja þetta blessaða nám, hvílík og önnur eins leiðindi hafa ekki sést síðan Stefán Máni ákvað að skrifa bók sína Hótel Kalifornía. Nú verður farið að leita að öðru og aðeins skemmtilegra drasli til þess að læra.Ofar mínum skilningi að einhver taki mark á því sem þessir blessuðu kennarar eru að segja, þetta er allt lygi og þið vitið það. Sjáumst í Iðnskólanum á næsta ári. bæ bæ

Í sambandi við þetta var ég að spá í það hvort maður ætti að henda inn nýjum linkadálk sem tæki fyrir Gamla og gleymda leikara? Set það í ykkar hendur. Látið mig vita hvað þið viljið. Horfið á þetta á meðan.

Talandi um standpínur fortíðar þá er komin í leitirnar konan sem kom því þannig fyrir að ég gerðist gagnkynhneigður. Konan heitir Pheobe Cates og var án efa fallegasta kona níunda áratugarins. Megabebið sem lýsti upp og á köldum vetrarkvöldum var hægt að ylja sér við það að hugsa til hennar. Hún er frægust fyrir það að hafa leikið í mynd sem heitir "Fast times at Ridgemont High", sú mynd er snilld, besta unglingamynd EVER. Þeir sem ekk hafa séð hana vantar fyllingu í lífið og þurfa að koma sér út á vídeóleigu núna......ég bíð.....svona farðu.... þeir sem enn ekki kannast við stúlku og velta fyrir sér hvaða andskotans rugl þetta á að vera, þá er hér linkur á mynd sem útskýrir allt, ÞVÍ AÐ ALLIR MUNA EFTIR ÞESSU ATRIÐI

Hef grafið upp Justine Bateman sem lék í Family ties og var eitt mesta beib ever. Hún er hætt þessu leikarastússi og einbeitir sér nú að því að prjóna eins og sjá má á heimasíðu hennar. Mig svíður í lendarnar við það að hugsa hvað hún kætti mitt litla hjarta þegar ég var ungur. Hún var mín fyrsta Pamela.

Nú er komið að sögunni um Esra Elí.
Ég var á gangi hér í hverfinu mínu á leið í skólann þegar ég heyri rödd óma um hverfið og varð mér nokkuð brugðið. Eftir 9/11 þá er maður alltaf á varðbergi, því hryðjuverkin gera ekki boð á undan sér. Ástæða hræðslu minnar var sú að kvenmannsröddin sem ómaði um hverfið kallaði í sífellu "Ísrael". Ég var ekki alveg að ná því hvað í andskotanum hún ætti við með þessu og horfði til himins og beið eftir að sjá farþegaflugvél jafna stúdentagarðana við jörðu. Enga sá ég flugvélina en við nánari athugun kom í ljós barn sem lék sér þarna á hól. Köll konunnar voru víst ætluð honum. Skildi samt ekki af hverju barnið héti Ísrael? Hlustaði aðeins betur og heyrði þá að "Ísrael"reyndist vera Esra Elí. Fannst það samt ekkert betra fyrir barnið.

Lenti í atriði í dag sem mér fannst æðislegt. Síminn hringdi í vinnunni og ég svaraði.......

Ég: Halló!
Rödd: Eruð þið búin að opna?
Ég: Já.
Rödd: Eruð þið búin að opna?!!!!!!!!!.

Fór að spá í því svo eftir á hvaða part af orðinu "já" maðurinn hefði ekki skilið?

Súper, er búinn að finna svona 6000 síður sem fjalla um og birta myndir af Apalloniu 6 (Patricia Kotero er það nafn sem foreldrar hennar kalla hana). Sú stúlka lék einmitt í Purple Rain, mynd sem Prince gerði og er að margra mati besta mynd sögunnar. Bara til að róa ykkur þá býr Apollonia nú í Beverly Hills-hæðum og á ekki ómerkari nágranna en Carmen Electra. Þær fara í búðir saman og svona. Hér er einn linkur inn á smá upplýsingar um hana. Skemmtið ykkur nú endilega við það að skoða þetta og ef þið viljið vita meira, endilega hafið samband.

Lífið er svo skemmtilegt. Í gærkvöldi gerðist ég stuðpúði í knattspyrnuiðkun vina minna. Gekk út á það að ég stóð út í horni og lét dúndra boltanum í mig. Þó svo að hreyfingin hafi ekki verið mikil tókst mér samt að eyðileggja á mér hnéð. Haltra núna líkt og rottan sem ég er. Er þó vel stemndur til þess að fara og horfa á Townsendinn í kvöld, vona að maður nái að kreysta upp úr sér alla vegna einn hlátur. Maður verður að sýna smá gestrisni víst að það er búið að bjóða þessum manni hingað. Bendi öllum sem vilja laga skapið í þessu veðri að lesa sambandavandræði á femin.is. Þetta eru svona 16 ára smástelpur sem eru að skrifa um það hvað það hafi hræðileg áhrif á sambandið að geta ekki valið mynd til að fara á saman þegar þær eru búnar að senda krakkann á Vestfirði að því það er pabbahelgi. Og nýi kærastinn er alltaf að hringja í gömlu kærustuna og hún að hringa í stelpuna ásamt því sem kærasta fyrrverandi kærasta er alltaf að hringja og skamma hana fyrir að hafa eyðilagt allt fyrir fyrrverandi. Sjoppan farin á hausinn og hann fær ekki gömlu vinnuna í Granda og þess vegna drekkur hann. Þetta er fólk sem er til í alvörunni, how scary is that?

Sá það að hjásvæfa mín var eitthvað fúl út í það að ég hefði endurnýjað kynni mín við Kartíku, unga stúlku frá Brasilíu sem lifir á því að gefa út dagatal einu sinni á ári á Ítalíu. Henni kynntist ég einmitt í sjónvarpi og dagatali á Ítalíu. Máli mínu til stuðnings ætla ég að nefna hér 10 ástæður.
1) Þetta
2) er
3) lögulegasta
4) stúlka
5) í
6) heimi
7) sem
8) ég
9) hef
10) séð

Varð líka að setja inn þetta hérna

Búinn að breyta nafninu aftur til heiðurs stjórnmálavinkonu minni jovicious.
Svo ætlað ég líka að benda ykkur á þennan lata þjón

Ég er svo glaður að Jóvicious hefur ákveðið að hefja aftur bloggun. Hún er svo fyndið kvikindi. Robert Townsend verður þess heiðurs aðnjótandi á morgun að hafa mig í salnum. Ég bendi öllum þeim sem ekki hafa séð stórmyndina Meteor Man! að drífa sig nú í það að leigja helvítið. Þetta er ein mesta snilld sem fest hefur verið á filmu.

Hef verið blammeraður af kvennmörum fyrir það að væla. Þetta er það sem þið fáið fyrir það að gefa þeim meira frelsi. Nú halda þær að það sé bara viðtekin venja að "segja skoðanir sínar". Hvað varaði ég ykkur oft við að þetta myndi gerast? Hvað verður það næst? Konur í útvarpi eða jafnvel sjónvarpi? Vitleysa er þetta. Hættur að væla og tek nú hatur mitt út á kvenfólki með fyrirlitningu. Fyrsta slagorðið sem notað verður til þess að koma konunum aftur ínn í eldhúsið er: "Pí-sekúndur er nanó-ár." Hoe do you like them apples?

Vill einhver hafa samband við mig út af þessum blessaða bíl. Mig vantar nauðsynlega að losna við hann. Hef ekkert með hann að gera en peningarnir kæmu sér nú aldeilis vel. Talið nú við vini, óvini og fjölskyldumeðlimi. "Bílinn Burt" er slagorð sem hljómar nú um vesturbæinn. Come on, we need the freakin´ money!!!!

ég þekki stelpu sem vill halda áfram að blogga.

Líf í námi (Lín)

Það hefur alltaf verið þannig að mikið hefur verið lagt í það að hvetja mig til þess að næla mér í gráðu frá Háskóla Íslands. Á þeim merku tímamótum þegar árin í þrítugt voru færri en árin í tvítugt ákvað ég að láta slag standa og koma þessu í verk.Gráða væri það fyrir þrítugt.
Hvað gera ungir menn á þrítugsaldri til þess að eiga fyrir námi. Jú, þeir vinna, vinna mikið og helst vinna þeir tvær vinnur svo sækja þeir um lán til ríkisins þar sem það ætti að vera ríkinu í hag að eiga vel menntaða og glæsilega karlmenn til að flagga þegar kynna á eylandið á erlendri grundu.
Að sækja um lán hjá ríkinu er nokkurs konar leikur, í fyrsta lagi áttu að senda þeim þá upphæð sem þú hefur þénað á árinu og hversu marga mánuði þú hefur unnið. Síðan senda þeir þér fallega tölu sem segir til um það hvað þeir ætla að lána þér. Þennan leik verður þú að stunda þangað til þeirra tala er komin sem næst núlli og þín slagar hátt í þann fjölda mánaða sem þú hefur unnið. Lítið, hugsar maður en ætti að duga, ríkið að sýna mátt sinn og stuðning við námsmenn.

Auður í krafti auralausra.

Með háleitar hugmyndir um það að sælir séu fátækir og allt það besta í heiminum væri frítt hófst námið. Bóka og möppukaup tóku drjúgan part úr “menntasjóðnum” og blikur á lofti að ekki myndi sjóðurinn duga. Sérstaklega ekki ef eyða þyrfti í óþarfa líkt og mat og svoleiðis eitthvað. En eftir svona viku í námi gerir maður sér grein fyrir því að allt í einu á maður engan pening. Þá breytist allt og líf verkamannsins með lúsarlaunin virðist í minningunni sem gamall happdrættisvinningur. Þegar maður er fátækur námsmaður þá breytis viðhorf heimsins gagnvart þér. Sjálfvirkar hurðir í matvöruverslunum virðast ekki opnast fyrir þér og loks þegar þú nærð að smygla þér inn með “alvöru viðskiptavini” þá bíður eftir þér starfsmaður sem spyr, “Ætlar þú að versla eitthvað hér, FÉLAGI”. Hann notar félagi því hann veit ég á bágt og vill sýna í verki að hann styður mig heils hugar í fátæktinni. Bara að ég gæti farið og verið fátækur í annarri búð, það væri betra fyrir alla aðila.

En hvað með það? Veit hann ekki að ég er í Háskólanum? Veit hann ekki að mín er framtíðin? Mitt er að finna upp eilífðarvélina, mitt er að verða sá sem sameinar kvótaeigendur og almúgann. Kemur friði á í Mið-Austurlöndum og fær Friðarverðlaun Nóbels. En á meðan við bíðum eftir því þá liggur hlutverk mitt í því að stela 50kalls núðlupökkum til þess að geta borðað og hanga hjá smökkunarbásum í stórmörkuðum og heimta ábót. Rétt svona til þess að LÍN fái ekk samviskubit yfir því að endar nái ekki saman hjá námsmönnum. Dusta þarf rykið af gömlu sníkjuaðferðunum sem maður notaði í menntaskóla, alltaf með hor, setja stúr á munninn, draga inn kinnarnar og glenna upp augun til þess að sýna fram á hvað maður á rosalega bágt. Sami svipur og er á ofurfyrirsætum sem gripnar eru við það að koma út af Betty Ford stofnuninni. Okkar hlutverk námsmannanna og ofurfyrirsætanna er að kveljast í angist yfir frægð og fátækt.

Stúdentastyrksnefnd.

Það er ekki málið að ég vilji vera að væla, það var mín ákvörðun að fara í nám og því verð ég að taka. Ég væri bara til í það að námið væri það sem allt snérist um. Að ég gæti farið í skólann, hlustað og meðtekið, farið síðan heim og klárað heimavinnuna. Í fullkomnum heimi væri það þannig. En eins og staðan er í dag er deginum skipt niður í tvo hluta. Fyrir hádegi er skóli, allur hinn tíminn fer í það að láta enda ná saman og passa það að sambandið við kærustuna fari ekki til andskotans við að rífast um þá fáu hundraðkalla sem finnast í óhreinatauinu. Það er svo sannarlega vinna að standa í námi, meiri en ég bjóst við og hefur ekkert með nám að gera.

Maríneraður í skuldum lýk ég svo vonandi námi, vitandi það að í lífinu eru engar leiðbeiningar. Engin lán heldur.

Bergvinkill grét í hljóði. Gunnveður hafði kosið Baukdahl Photoshop 3800 sinnum. Hún notaði símann hans til þess að kjósa hana, hana sem ber af sér svo góðan þokka. Það versta við það og ástæða þess að Bergvinkill grét, var sú að hún flutti ekkert lag. Jú, hún stóð á sviðinu og hélt á hljóðnema en Begvinkill heyrði enga tónlist, ekki eina nótu. Gunnveður sat aftur á móti sveitt frá því klukkan 2 og hringdi inn eins og óð væri. Hafði nefnilega aftengt kökurnar í gamla skífusímanum og hringt og hringt og hringt. Baukdahl Photoshop yrði send sem sérlegur fulltrúi íslensku þjóðarinnar í alþjóðlega keppni, mafíumömmur Vesturbæjarins höfðu valið. Svar þeirra við vaxandi efnahagskreppu var að kalla yfir þjóðina ævarandi skömm, aldrei myndi nokkur maður frá Íslandi geta horft í augun á evrópubúa. Nú yrði Íslandi aldrei hleypt inn í evrópubandalagið, hver hleypir þjóð sem sendir söngvaleysu inn í söngvakeppni í alþjóðlegt samstarf? Begvinkill gat ekki annað en krosslagt fingur og vonað það að Baukdahl Photoshop byði sig ekki fram til forseta og forsætisráðherra því sigurinn yrði greinilega hennar.

Auk þess legg ég til að Bjórmálaráðherra fái einhvers konar verðlaun fyrir það að hafa kallað "Húsavíkur Harlotið", "Gervibrúnu Glyðruna". Eitt það flottasta nafn sem ég veit um. h

mér finnst sem svo að allt sé að fara til andskotans. Árbæjardrottningin kom í heimsókn, reyndar eini vinurinn sem gerir það, en ó mig auman hvað ég var ekki tilbuinn undir grafískar myndlýsingar af henni og Vallarfaranum þeim er við Seríós er kenndur. Atlotslýsingarnar glumdu um Vesturbæinn, börnin á leikskólanum hágrétu og leikskólakennararnir grýttu plastskóflum í áttina að svölunum. I feel violated. Mitt hjarta blæðir bleiku og bláu. "Hættið að kvelja mig!!" Gefið mér frekar pening. Það þarf alvarlega að fara að taka í rassgatið á þessum vinum mínum. Þeir hafa ekki stjórn á eigin lífi. Sálfræðihjálp tobbaliciousar er hér með tilbúinn að veita ykkur sáluhjálp. Endilega komið til mín börnin mín, ég hef svörin.

Komnir tveir dagar og ekki skrifað neitt. En það er góð ástæða fyrir því eins og öllu öðru. Þannig er nefnilega mál með vexti að ég missti algjörlega trú á Íslendingum á laugardaginn, hvað er að ykkur? Hvernig dettur ykkur í hug að kjósa mestu lagleysu í heimi sem framlag okkar til úróvísón. Bara ofar mínum skilningi hvað fólk getur verið algjörlega skert allri rökhugsun. Á hvaða tíma gat fólk ekki sagt við sjálft sig "Jú, jú hún er svosem ágæt stúlkukind og svona sæt og frá Húsavík, en lagið skal ég aldrei kjósa." Þetta er sama fólkið og sagði 5 mínútum áður að "birtu-viðbjóðurinn" væri það versta sem hefði komið fyrir okkur síðan einokunarverslunin var og hét, sneri sér síðan við og kaus þetta. Ég hef ákveðið að í refsingarskyni þá held ég með finnum. Áfram Finnland!!!!!!!!! Þið megið eiga þetta sem við sendum, alla vegna er það ekki lag. You people deserve it.

Fannst annars mjög gaman á laugardaginn, sæmilega drukkinn og komst heill heim. Verst fannst mér þó að hafa gleymt að taka úr mér linsurnar og geta ekki enn séð rassgat. Ég er nógu andskotans blindur að lífið þurfi ekki að gera grín að mér á þennan hátt.

Sá það að Jón Svanur er víst að slá sér upp með einhverri dömu. Hef ekki verið kynntur almennilega fyrir henni en býst við því að því verði kippt í liðinn. Ekki satt Jón Svanur?

Annars eins og svo oft áður verð ég að þakka mánudegi fyrir það að hafa náð að tryggja það að nú hata ég hann meira en nokkru sinni fyrr. Ég ætla samt ekki að skella skuldinni algjörlega á hann, veit það að örlítill hluti af sökinni liggur hjá mér, bara örlítill samt.

Hefst nú drykkja mikil. Vona ég. Það er einhver slappleiki í lesbíunni mér sem virðist ekki ætla að hvefa. Ég hef þó mín ráð og býst við því að Thule félagi minn hjálpi mér við það að ná þessu úr mér. Get ekki hætt að hugsa um barnajaxla. Deeza læt fjarlægja úr sér barnajaxlana fyrir mörgum árum. Myndin í hausnum á mér er af sex ára geðveikt mössuðum krökkum sem voru fjarlægðir úr munninum á henni. Miður skemmtileg mynd.

Tvær síður sem mér finnst vert að minnast á
Þetta eru helvíti fyndin systkini. Hægt að hnyussa með nefinu meðan maður skoðar.

1)Natalie Dee 2)Toothpaste for dinner

Ákvað að skipta um könnun í tilefni helgarinnar.
Úrslit síðustu könnunar urðu einhvern veginn svona:

David Beckam 3%
Titanic 45%
Ópal 7%
Halli og Laddi 34%
Gettu Betur 12%
Hreimur í Landi og sonum 19%
Núggatís 2%

Gaman, gaman. Föstudagur kominn og mín bíður vinna. Gaman gaman. Spörri Seríós kom sterkur inn og lánaði mér helling af myndum til þess að horfa á í tölvunni. Bara svo þú vitir það Spörri minn þá færðu þetta aldrei aftur. Borgar sig að vera hreinskilinn. Verð að segja að það hlakkar í mér þar sem á morgun verður svokallað "Evróvisjónpaahrtæ" þar sem takmarkið verður að drekka nógu mikið þangað til öll lögin eru gleymd og grafin.Býst við því að vinna þá keppni með yfirburðum. Annars verð ég líka óska Deezu til hamingju með V-daginn, það bíður þín eitt högg hérna á Eggertsgötunni ástin mín. That ought to piss someone off.
Það eru líka komnar upp þessar fínu myndir af frambjóðendum vöku og röskvu til kosninga í stúdentaráð. Samkvæmt þeim byggist kosningabaráttan aðallega á því hvor flokkurinn er með sætara fólk á lista. Ekki stóð eitt einasta orð um hvað blessaðar fylkingarnar ætla að gera til þess að bæta aðbúnað og efnahag stúdenta, það hlýtur bara að hafa gleymst að setja það inn? Höldum áfram þessum "Ástþórs"-póstsendingum og reynum að komast að því hvaða loforð þau eru tilbúinn að gefa mér. Þangað til.

Minnir mig á það að Spörri Seríós þarf að fara að kaupa sér DVD-spilara. Þetta minnir svolítið á hann, alla vegna frakkinn.

fer með fyrrverandi bloggfélaga mínum að gefa blóð á eftir. Gott málefni. SO they say. Jón Ársæll væri stoltur af mér.

Er það brjálaður út í Jovicious að hafa hætt þessu og skilið mig einan eftir. Ég einn á móti internetinu, hvernig á ég eftir að höndla það? Við sjáum nú bara til, ég er ekki talinn stór strákur en ég get bitið frá mér og það líka á verstu staði. Búinn að skrá mig í Michael Landon aðdáendaklúbbinn eins gott að ég fái eitthvað frítt út úr þessu. Hvet alla til þess að skrá sig.

Gönnsó móðir mín á ammæli í dag. Til hamingju með það. Er að spá í það að gefa henni svona kind. Eða þá að fá hana til að pósa eins og kindin. Hvur veit nema hún taki vel í þetta.

This is funny shit.

Hef ekki enn fengið svör frá hæstvirtum ráðherrum okkar enda eru þeir uppteknir menn og komast kannski ekki í þetta í bráð. Við verðum nú samt að vona það að þeir sendi svona kosningalínu til mín. Nenni þessu ekki og neita að skrifa meira. Þreyttur.....svo ógurlega þreyttur. Kenni Bjórmálaráðherra um þreytu mína. Hættur í bili. Þó vil ég minnast á það að bíllinn minn er til sölu.

Bergvinkill og Gunnveður höfðu lokið við það að borða.

B: Takk fyrir mig, þetta var æðislegt hjá þér Gunnveður mín.
G: Þakka þér, virkilega ánægð með það að þér líkaði þetta. Þú værir kannski til í það að vaska upp?
B: Nei, ég get það ekki.
G: Nú?
B: Já, ég er karlmaður og bara kann það ekki.

Eftirfarandi bréf var sent til forsætisráðherra, fjármálaráðherra, menntamálaráðherra og Lín. Reiðin hefur gripið mig heljartökum.


Til hæstvirts ráðherra,

Góðan dag.

Þorvaldur Konráðsson heiti ég og stunda nám í tölvunarfræði við Háskóla Íslands. Í fyrsta lagi vil ég þakka þér fyrir það að taka þér tíma til þess að lesa þetta skeyti. Ég hef verið að velta fyrir mér hvert ég gæti beint hugleiðingum mínum og fannst það við hæfi að ég myndi senda þetta skeyti, sem hefur að geyma spurningar sem að mér sækja um þessar mundir, til þín í þeirri von að þú gætir kannski varpað ljósi á þær.

Þannig er mál með vexti að ég tók mig til og hóf nám við Háskólann í haust í þeirri von að mín menntun gæti komið mér og einnig Þjóðinni til góða. Það er mín skoðun að hverri þjóð sé til sóma að eiga sem flesta einstaklinga sem lokið hafa námi á háskólastigi. Nú upp á síðkastið hefur mér fundist eins og það sé ekki vilji allra að ég nái því takmarki mínu að klára háskólanám.

Hér eru þær spurningar sem ég hef:

Hvernig á ég að borga leigu, þegar ég fæ engin námslán?
Hvernig á ég að fá námslán, þegar ég þarf að vinna til að láta enda ná saman?
Hvernig á ég að ná prófum, þegar ég þarf að taka tíma frá námi til að vinna?
Hvernig á ég að á það að virka hvetjandi á mig að námslán eru þau sömu fyrir námsmenn sem fá 5 í meðaleinkunn og þá sem fá 9,6?
Af hverju borgar það sig fyrir mig að finna mér “svarta vinnu” meðan á námi stendur?
Af hverju er mér refsað fyrir það að vinna heiðarlega vinnu og borga skatta?
Af hverju þarf ég að hafa áhyggjur af því að láta enda ná saman, í stað þess að geta einbeitt mér 100% að náminu?
Hvernig á þetta kerfi að virka hvetjandi á mig?

Ég vildi því einungis fá að vita hvaða hug þú bærir til þessarra spurninga sem ég hef lagt fyrir þig? Nú tel ég að þér beri engin skylda til þess að svara þeim, en mér þætti mjög vænt um, ef þú gætir séð þér fært um, þar sem ég á í erfiðleikum með að réttlæta fyrir sjálfum mér þá ákvörðun að hefja nám að nýju.

Með fyrirfram þökk,

Búinn að fá nóg af hindrunum í skóla og lífi. Hef ákveðið að senda Hæstvirtum Menntamálaráðherra bréf og spyrja hvað ríkinu gangi til með það að refsa mér fyrir það að hafa ákveðið að fara í Háskólann, best að senda líka á Hæstvirtan Forsætisráðherra. Þetta er örugglega eitthvað sem ég á eftir að sjá eftir, en við látum á það reyna. Nú er bara að semja bréfið. Birti það hér þegar það er tilbúið.

You are most like Inspector Clouseau from the Pink Panther Movies
You're a bumbling idiot. Make that a faint-hearted bumbling idiot. You might consider a career in Real Estate.

Other things we noticed:
You have a strong conscience
You don't like the shotgun as much as most people that play this game
You dont know your amendments, and you didnt realize you could cheat while playing this game
You really like watching people fight
You think electrical prods are cool. (So do we)
You like twinkies more than stairmasters
Duty is more important than downtime

Á Mótbárugötunni sátu þau, hjónakornin Bergvinkill og Gunnveður, og ræddu álversframkvæmdir.
B: Svo það á bara að byggja álver??
G: Já, það hryggir mig mjög.
B: Ég skal borga þér 100kall til að brosa?
G: Já, takk.

Þessi saga segir ekkert. En það er alltaf hægt að borga fólki til þess að brosa.

BROSTU!!!!! ÞAÐ KOSTAR BARA 100 KALL!!!!!!

How about this weather we´re having, Y´ALL?????
Mallorcablíða barði í framan, að aftan og bara alls staðar, morgunglaðan tobbalicious sem arkaði með bros á vör í skólann. Nei þetta er lýgi, og ekki vil ég vera svo vondur að ljúga að ykkur. Það sem beið fyrir utan íbúðina í morgun var það sem á góðu máli kallast viðbjóður. Ég lýsi hér með yfir frati á þetta land. Þið megið eiga það. Hef ákveðið að taka ekki mark á veðrinu sem er fyrir utan og verða nú allir dagar kenndir við blíðu. Það eina sem bjargaði deginum var hugsunin um það að sorglegra (að mínu áliti) fólk en ég er til í heiminum, fólk sem eyðir, og ég get ekki lagt nógu mikla áherslu á það, get bara ekki lagt nógu mikla áherslu á það, EYÐIR....EYÐIR, 100.000kr Saga Class miða sem gildir hvert sem er í heiminum í það að fara til Bö í Noregi. Nefni engin nöfn. Sumir eiga sér enga von. En ég elska það samt.

Tvær fréttatilkynningar:
1. Kapallinn hefur verið færður af Snorrastrasse og yfir á Eggertsstrasse. Dagar þess að liggja flatur á gólfinu og skoða internet-klám eru á enda og hafa Thrustlerinn og Jovicious nú unnið sér inn þrjá tíma af því að skrúbba mig hreinan. Prikið og þvottapokinn eru hér hjá mér. Komið bara krakkar. Ég ligg í sófanum núna, enn að skoða það sama.

2. Heili bílsins reyndist svo vera, ekki svo mikið hægra-megin í vélinni eins og samtöl mín við þrjá bifvélavirkja gáfu til kynna. Eftir stutt stopp í Heklu þar sem ekki einn einasti bifvélavirki mátti vera að því að taka sér 30sekúndna pásu til þess að benda mér á hvar helvítið lægi, var förinni heitið upp á Höfða þar sem Gummi Partasali benti mér á það að heilinn væri í raun ekki hægramegin í vélinni heldur hægramegin inn í bílnum nánar tiltekið við hliðina á hanskahólfinu. Somebody´s laughing there ass of right about now. Stóð semsagt í tvo heila daga og starði á vitlausan enda, engin furða að ég hafi ekki fundið helvítið. En sem sagt þetta er komið í hús svo förinni er heitið upp í Heklu á morgun og athuga hvort Makkína dauðans fari þá að haga sér eins og bíll.

Fátækur er ég námsmaður. Þess vegna leyfi ég Djóninnjó frænku minni að klippa mig, ævinlega með þeim orðum "ég veit ekki, ert þú ekki að læra þetta. Þú færð bara að ráða." Klipping sú sem framkvæmd var á mér í dag tók út fyrir allann þjófabálk. Aldrei hef ég á ævi minni litið verri klippingu, reyndar ekki við Djóninnjó sjálfa að sakast þar sem hún var nú bara að framfylgja settum reglum sem viðhafðar eru í prófum hjá hárgreiðslufólki. Hár tobbaliciousar var klippt,blásið og krullað þangað til að í speglinum starði á mig ókunnugur maður sem átti meira skylt við persónu í sápuóperu frá áttunda áratugnum eða söngvarann í Flock of Seagulls. Þegar hryllingurinn hafði hjaðnað örlítið og þrjár stúlkur sem nema hárgreiðslu nuddað lífi aftur lífi í náfölan og lífvana líkama tobbaliciousar tóku við fimm mínútur af því að hlægja taugaveikluðum hlátri að spegilmyndinni. Því jú þetta var ég sjálfur sem bar þennann skúnk á höfðinu. Djóninnjó verður fyrirgefið en limlesta skal ég "that sick person" sem fann upp á því að nota þennan sjúka brandara á saklaust fólk, sem vill ekkert annað en hjálpa ættingjum í neyð. Youz be dead. Þessi mynd hér útskýrir svona nokkurn veginn hvernig ég leit út.

Farinn út að leita að heilanum í bílnum mínum. Er hægra megin í vélinni segja mér sérfræðingar. Good luck segi ég.

Tölvunarfræði er viðbjóður. Stúdentalíf er viðbjóður. Selja fokking bílinn þá lagast allt.

Það er alltaf spurning um hvað sé rétt og hvað rangt. Mér finnst til dæmis mjög rangt af Háskólanum að ætlast til þess að ég læri og nái prófum í þessu blessaða tölvustússi en aftur á móti finnst mér rétt að þeir sem læra þetta fag líta mjög illa út og hafa greinilega ekki tíma til þess að fara í sturtu eða líta í spegil. Koma nokkurn vegin eins og þeir séu nýdottnir út úr leginu með fósturslykjuna enn á sér og fylgjuna í eftirdragi(lesist sem ljóti félaginn sem fær notuðu Hagkaupsfötin frá hinum). Svo að í stuttu máli eru bekkjarfélagar mínir fóstur og fylgja.
Ekki það að á öðrum brautum séu þau eitthvað betri. Þar er vandamálið bara að enginn hefur sagt þeim að það er ekkert merkilegt að komast í Háskólann. Það að þurfa að hanga þarna með þessu fólki gerir mig svolítið reiðan, ef einhver hefur tekið eftir því. Mig langar oft að halda jólin aðeins fyrr þetta árið og reka hnefann á mér í magann á þeim. Það sem stoppar mig er sú vitneskja að þeirra leiðtogi er Maggi Sækó, undrabarn stjórnmálafræðinnar, sá drengur hefur eitthvað á móti mér og væri fljótur að safna í lið til þess að tjara og fiðra mig á næsta stúdentadegi. Stormur í tebolla það er ég, þökk sé Magga Sækó.

Andrew Ridgeley er kominn inn í linkana mína, ásamt Catatoniu og Therapy?
Gamalt og Gleymt indeed.
Jón Ársæll er annars hetja mín þessa dagana. Fæ ekki nóg af því að hugsa um þennan blessaða nefhlátur og spurningar sem eiga ekkert skilið við raunveruleikann.
Dæmi:
Jón Ársæll: Nú áttir þú heima í Garðabænum. Það hlýtur að hafa verið gaman? HNUFFFFFFFFFFFFFFFFFF
Sjálfstæður gestur: Jú, það var gaman.
JÁ: Hann hefur þá alltaf fylgt þér, undir niðri, hvatt þig áfram til þess að takast á við daglegt stess og berjast fyrir hungruðum heimi? HNUFFFFFFFFFFFF
Sg: HA!!!!!!!!!????!!!!!!!
JÁ: Hann hefur verið nokkurs konar Haukur í horni? HNUFFFFFFFFFFFFFFFF
Sg: HA!???
JÁ: Nú varstu fyrir hræðilegri lífsreynslu í æsku þegar móðir þín myrti öll systkini þín. Hafði það áhrif á þig? HNUFFFF HA HA HNUFFFFFFFFFFFFFFFFFF
Sg: Já, já
JÁ: Í sálartetrinu má finna il frá skjól frá hraða nútímans, hörðu og oft fjandsamlegu erli sem fylgir því að vera einn að berjast á móti óréttlæti,HNUFF, sálartetur sem ekki má við miklu til þess að brenna út sem kerti sem stendur á Stórhöfða. Segðu mér frá vinnunni.HNUFFFFFFFFFFFFFFFFFFF

The results are in Hér.

Já ég gleymdi að minnast á það að ég fékk svar frá stjórmálavinum mínum í Háskólanum. Það eina sem ég birti úr þessu bréfi frá vinkonu minni Lillý er fyrsta setning bréfsins. Hún er á þessa leið: "Sæll Þorvarður." Þess má kannski geta að fast við hennar bréf var mitt bréf þar sem stóð skírum stöfum nafn mitt, Þorvaldur.

Það er rétt hjá forsetanum. maður á ekki að vera að skipta sér af þessu sápuóperuliði. Það kemur illa niður á sálina og heimtar af manni meiri áfengisdrykkju. En áfengisdrykkja er góð og því er ég nú á báðum áttum. Damn!!!!!!!!!!!!

Bíllinn að komast í lag. Eiður og Ósk eiga að mínu mati hvort annað skilið. Ef þau eru of heimsk til þess að nota smokk þá get ég ekki vorkennt þeim. Samt skrítið að heyra alla vera að tala um það hvað hún, þessi Ósk sé vond manneskja að ráðast á þennan góða strák sem er svo góður í fótbolta. Það var hans að halda framhjá ekki hennar, "hún vissi alveg að hann átti kærustu" eru náttúrulega bara fáránleg rök. Vissi hann þá ekki að hann ætti kærustu, eða???? Það að hún þyrfti síðan að blaðra því í skítablað á Englandi skil ég ekki aftur á móti. 3 degrees of stupidity...hans að halda framhjá, hennar að blaðra og þeirra að PASSA EKKI UPP Á ÞAÐ AÐ LÁTA EKKI NAPPA SIG MEÐ ÞVÍ AÐ GERA HANA ÓFRÍSKA!!!!!!!!!!!!!!!!!

Já, það er kannski kominn tími til þess að byrja á þessu blessaða bloggi aftur. Ég veit það að þið eruð búin að sakna mín ógurlega og vitið ekki hvað þið eigið að gera án mín og minna hnyttnu innleggja hér.
Allora, helgin í stuttu máli.
Friday: Unnið úr þynnku, þar sem á einhvern óskiljanlegan hátt rataði allt rauðvínið beint oní maga í stað þess að halda sér í flöskunum. Passið ykkur á rauðvíninu. Það er brögðótt. Kvöldinu eytt í það að raða sparnaðarsnitzeli í hillur Garðabæjarbúðarinnar. Það var gaman.
Laugardagur: Allt gert til þess að læra ekki. Hjálpaði þó skítugum ítala að skilja hvað þetta blessaða verkefni snérist um. Sem að var ágætt þar sem ég hafði ekki hugmynd um hvað það snérist. Það endaði með því að mér var boðið í skítugt ítalapartý og dró ég Völund með mér. Þar var drukkið og spjallað. Mest þó ég og Völundur okkar á milli. Reynt að ræsa Jo og Spörra til að hittast í bænum en þar sem þau voru svo hrikalega upptekin við það að spila partý og co. gekk það ekki eftir og var því farið snemma að sofa, þó svo að Spörri Seríós hafi vakið tobbalicious með fúkyrðum og niðurlægjandi kommentum um augnstærð tobbaliciousar.
Sunday: Upp á spítala, mála með Völundi og skúra svo. PT kláraði verkefnið á meðan. Glæsilegt hjá honum. 1-0 fyrir PT.

Þúsundir manna svelta á götum Kalkútta. Ég hef áhyggjur af skítaverkefni í skítaskólanum. Ítalarnir buðu þó uppá nutella-fylltar pönnukökur með flórsykri ofaná, Völundur smakkaði og sendi svo restina til Kalkútta. Góður strákur Völundur.

Þessir dagar eru rólegir og mánuðurinn sem þeir kalla "pointless" er hafinn og allir að drepast úr leiðindum. Aðalverkefni helgarinnar er að halda sér frá áfenginu og reyna að drullast til þess að klára einhver verkefni fyrir skólann. Svo það verður eintóm gleði á Eggertsgötunni.