Vá!!

Aldrei hefur texti í lagi átt jafn vel við myndband: Everybody knows that you´re insane

Ég er með greindarvísitölu upp á 133

Bjóst ekki við því? En svona er maður rosalega klár. Enda ætlum ég og Völli svarti að fara í lögguna. Alla vega prófið. Ég kenni þér um það Arnaldur Indriðason!! Af hverju þurftirðu að gera lögregluna svona sexý í bókunum þínum? Af hverju?

Annars er ég tilbúinn með bók um sorphirðumenn sem leysa morðmál í frítíma sínum. Æsispennandi og umhverfisvæn. Og erótískar lýsingar á ástum og örlögum sorphirðumanna í Reykjavík í nútímanum þegar borgin er að breytast úr smáborg í heimsborg sem þarf að gera upp við sig hvort Kópavogur megi vera memm. "Koma svo Steinunn! Þetta gæti verið þitt síðasta embættisverk. Strokaðu út Kópavog. Umhverfisdeild Reykjavíkurborgar styður þig heilshugar."

Svo kemur Dagur til vinnu... eða Vilhjálmur og sér að það vantar Kópavog. "Hvar er Kópavogur?" Búið að skipta út Valla og inn með kópavog. Nema það vill enginn finna kópavog nema þeir sem hafa gaman af því að drekka Kaftein í Kók.

Eins og ég sagði áðan: Það þarf ekki nema eitt pennastrik Steinunn.

Hey

Bubbi Morthens International. Ætlar þú ekki að skrifa undir?

Helgin fer annars í kúkavinnu og kúkaritgerð. Hún lyktar sem sagt.

Grátur, heilsa, vellíðan

Ég er alveg búinn á því. Fór í próf í dag og hágrét allan tímann. Gat ekki hætt að skæla og gerði ekki annað en að þurrka tár af prófbókinni og sjúga upp í nefið. Held þetta hafi kannski truflað prófið fyrir öllum hinum en... hvað getur maður gert. Ég veit alveg ástæðuna fyrir þessu. Helvíts rautt eðalginseng. Líkaminn á mér ræður bara ekki við það. Eins og ab-mjólk.

Ég verð svo tilfinningaríkur með ginsenginu og græt vonsku heimsins og örlög þeirra sem minna mega sína eins og aldraðir, rauðhærðir og aldraðir rauðhærðir. Svo ég sat í einn og hálfan tíma og hágrét líkt og smástelpa og enginn mátti hjálpa mér því það gerði mig bara enn verri og ekkasogin ágerðust við hvern einasta einstakling sem bauð mér aðstoð sína. Ég grét yfir fegurð panelveggjanna í Árnagarði, fallegum konum sem brosa með augunum og því hversu lítið hefði heyrst í Simply Red upp á síðkastið.

Ég held ég geti aldrei eignast vini í þessari deild. Ekki eftir þetta. Sem betur fer sá mig enginn æla eins og múkka inn á klósetti eftir prófið. Fráhvarfseinkenni af ginsenginnu.

Áhugasamtök!

Hér eru nokkur dæmi:

Dæmi 1
Dæmi 2
Dæmi 3
Dæmi 4

Hvað, segjum ég og Völundur hin svarta sál, er þá rangt við og kannski mikilvægara að stöðva okkur Íslendinga í því að gerast jafn stórir og þeir útlöndum?

"The Republic Of Iceland International Airport Bubbi Morthens"

Flauel

Ef það er eitthvað sem getur gert mánudaga betri en þeir eru yfirleitt þá er það veikindi. Hélt ég væri svona rosalega þunnur í gær en svo þegar áfengið rann úr líkamanum komst ég bara að því að ég er veikur. Það var skemmtilegt maður. Sexí. "Veikindi eru sexí" gott ef það var ekki Aristóteles sem sagði það. Held ég nenni samt ekkert að láta þetta stoppa mig. Verð að skila ritgerð og prófi þessa vikuna... og það er ekki eins og ég hafi fótbrotnað og farið úr hællið... segir maður hællið?.. örugglega.

Ætli ég skríði ekki aftur upp í rúm og reyni að glugga í siðfræðibækurnar fyrir miðvikudag.

Meyry teynkymindyr!!! Veyyyyyy!!!

Ég veit ég ætti að sitja á mér og setja inn eina á dag en ég er ekki þannig maður. Svo ég hendi inn restinni sem ég er búinn að gera. Vona að ykkur finnist þetta fyndið.

Ég elska tennurnar mínar

Þetta byrjar ósköp venjulega hjá mér í dag. Teyknymindyr en þar á eftir kemur hið nýja.




Jæja! Nú getið þið horft á mig á hverjum degi! Ég færi ykkur: tobbalicious veggfóðurin!!!

Helgin...

Föstudagur með fyrrverandi ritstjóra Fókuss. Tókst að græta eina stelpu, gera aðra öskuvonda út í mig, borða tvo nonna og detta svo á leiðinni heim.

Laugardag fagnaði ég með Guðnýju og restinni af fjölskyldunni 50 ára ammmmmæli hennar. Guðnýjar ekki fjölskyldunnar. Hápunktur þegar ég og dannilíuz bróðir tókum fyrir hana Mamma, ertu vakandi mamma mín, Ég skal mála allan heiminn elsku mamma og svo þjóðsönginn í lokin. Eftir það fór bollan að síga í.

Sunnudagur og mánudagur hafa farið í það að ná upp fyrra þreki.

Vel mælt og drengilega

Ég skrifaði einhvern póst um daginn um Katrínu Ú. Eftir að hafa lesið þetta: Hvað þýða? þá held ég að ég láti þetta nafn vera. Mér finnst merking nafnsins nógu mikið grín. Það væri kannski viturlegt að foreldrar myndu gá að því hver merking nafna er áður en skírt er.

Koma svo stelpur!

Það er oft sem ég læt mig dreyma í tímum, en sjaldan jafnmikið og í morgun. Ég fór á flug.. og ég ímyndaði mér það hvernig það væri að vera stelpa í háskóla. Ég hef oft reynt þetta en aldrei í skólanum. Bara heima þar sem enginn sér mig og ég er í öruggu umhverfi. Þetta var því svolítil áhætta sem ég tók en ég sé það núna að hún var vel þess virði og ég hef komið út úr þessu mun upplýstari um hvernig það er að vera kona í skóla.

Ég hafði unnið heimavinnuna mína og var því andlega orðinn kvenmaður áður en ég labbaði inn í stofuna. Þetta fannst mér mikilvægt til þess að ég gæti nýtt mér allan þann tíma sem kennslustundin tók sem hugsandi kona á leið til hærri menntunnar. Kennarinn labbaði inn og um mig fór tilfinning sem ég hef aldrei fundið áður sem karlmaður. Hann virtist eitthvað svo... vitur... kennaralegur... eins og hann gæti unnið mig í Trivial bara að því að hann er karlkyns háskólakennari. Það fylgdi þessu ákveðin sæla og ánægja og mér fannst ég vernduð sem kona af þessum "ekki svo myndarlega en hann bætti það upp með gáfum" kennara.

Glærunum var varpað á töfluna og á henni birtust úr myndvarpanum orð eins og verundir, Leibniz, hugtök, frumspeki og heimsspeki. Þau sögðu mér samt ekki neitt. Ég lét því hugann reika og velti fyrir mér mikilvægum spurningum sem ég sem kona hafði kannski ekki velt nógu mikið fyrir mér í gegnum árin. Ætli óhófleg neysla á kalki á meðgöngu hafi slæm áhrif á barnið? Ha ha ha, ógeðslega fyndið að vera ófrísk með svona rosalega bumbu framan á sér! Ætli prjónaskapur hafi einhvern tímann verið kenndur í háskóla? Hvaða rakakrem ætli henti best fyrir ömmu mína? Meik meik meik meik meik meik! Ég þyrfti eiginlega brjóstahaldara með betri undirstöðum. Af hverju fór ég ekki í brjóstahaldara í morgun? Mér finnast ókeypis brjóstahaldarar handa konum vera skref áfram í jafnréttisbaráttunni og karlar ættu að taka pillu og konur að setja á sig smokkinn og ég myndi segja við kærastann minn "Nú er ég sko kallinn að setja á mig smokkinn, þú ert sko bara kellingin með pilluna þína!"

Vá! Geðveikt! Ég myndi líka horfa geðveikt á hann og pennann hans sem er með svörtu bleki en hann lætur alltaf lokið af pennanum með bláa blekinu á hann og segja við hann: "Hvað er þetta?!!!" Og svo myndi ég rífast við hann í hálftíma út af því... af því að ég veit það eiginlega ekki, en mér finnst þessir hlutir fara bara svo rosalega í taugarnar á mér. Ég meinaða!!! Hvað er með karlmenn og það að geta ekki haft reglu á hlutunum?!! DÍSES!!! Það er samt eins gott að hann taki sig á ef hann ætlar að fá að taka þátt í uppeldinu á barninu. Ekki það að ég sé ófrísk sko... bara draumórar eins og er. Allt honum að kenna örugglega. Skýtur bara púðurskotum örugglega. Kannski ég ætti að prjóna barnasokka, -húfu og -vettlinga? Mér finnst þeir bara svo sætir. Af hverju geta konur ekki alltaf verið ófrískar? Og að prjóna?

Kannski við konurnar gætum stofna svona fjármálafyrirtæki? Svo myndum við allar sitja við stórt borð í svona stólum, allar ófrískar og að prjóna, og segja með svona karlmannsrödd: "Ég er svona karlmaður og ég ætla að kaupa svona bréf fyrir milljónkall". Ha ha ha! Rosalegar. Við konur erum svo heppnar. Heppnar og fyndnar. Ég og vinkonur mínar erum alltaf að segja hvorri annari brandara. Ógeðslega fyndna! Ég man að það var einn sem var einhvern veginn: Tveir kallar sem voru búnir að skrifa bók og búa til einhvað ógeðslega sniðugt tæki sem gat gert alveg helling og svo ætluðu þeir að fara að prjóna en það tókst ekki að því að þeir kunni ekki að gera einfalda lykkju!! Ha ha ha ha!! Ógeðslega fyndið.

Hvað ætli kennarinn sé að segja? Hann er svo myndarlegur að benda á öll þessi svona fræðiorðin sem eru á töflunni. "Rökfræðilegur", hann hlýtur að vera ógeðslega massaður sá. Svona alveg eins og Colin Farrel. Mér finnst hann ógeðslega rökfræðilegur í vexti. Svo er hann örugglega ógeðslega góður með börnum. Nema hvað hann reykir. Hann myndi sko ekki fá að reykja í kringum barnið mitt. Ég er viss um að maður þurfi heldur aldrei að biðja hann um að taka til. Hann gerir það örugglega óspurður og býður svo upp á kampavín og nudd á eftir. Ohhhh... af hverju getur kærastinn minn ekki verið meira eins og hann Colin?

Ha?! Tíminn búinn. Ég var rétt búin að koma mér í lærdómsgírinn. Ég er líka viss um að Colin gæti alveg pottþétt skipt um gírstöng í bíl. Hann getur eiginlega allt held ég. En jæja. Ætti ég að tala við kennarann? Kannski biðja hann að segja eitthvað svona menntað og heimspekilegt? Nei. Betra að gera það ekki, kannski ég fari niður í Heilsuhúsið og skoði hollt nammi, eða brjóstahaldara í búðum... Af hverju geta þeir ekki búið til tölvuleik þar sem maður setur á sig gleraugu og svo getur maður labbað um svona Kringlu að skoða í búðarglugga og velja föt til að máta og fá stig fyrir. Við konurnar myndum sko rústa körlunum í því. Við erum geðveikt góðar í því...

Já. Þannig fór mín fyrsta kennslustund sem kona. Þetta var mjög upplýsandi og áhugavert. Veit ekki hvort ég ætli að reyna þetta aftur en það sem kom mér mest á óvart að í þessu "kvenlega ástandi" mínu tókst mér að raða innihaldi pennaveskisins í litaröð, setja límmiðamerki við alla kúrsana í námskránni þar sem sætir karlkyns kennarar kenna og prjóna vettlinga sem ég gat notað á leiðinni heim. Það þótti mér helvíti merkilegt.

Málfræðihorn Breka Friðmars

Blessaðir og sælir krakkar mínir. Það er langt síðan ég hef skrifað hér inn en ég hef verið rosalega upptekinn. Ekki "Tekinn með 7 grömm af hassi í endaþarminum í Leifsstöð á leið til útlanda" upptekinn, heldur nýbúinn með meistaranám í listdansi upptekinn. Já, ég var að skila inn ritgerðinni, "Dansinn sem áróðurstæki í þróun, uppbyggingu og friðarferli í þriðja heims löndum", og varði hana í síðustu viku með bæði munnlegri og listrænni tjáningu. Ekki það að ég vilji vera að upphefja sjálfan mig en þó verð ég að minnast á ummæli eins prófdómara míns sem voru eitthvað á þessa leið: "Breki, útfærsla þín á sporum hinnar glæsilegu Galinu Mezentsevu varð til þess að ég fann mig í flóðbylgjunni miklu í Asíu með fangið fullt af munaðarleysingjum á harðahlaupum undan vatnsstraumnum. Þér eruð ekki dansari! Þér eruð listamaður! Ég legg til að alþjóðlega fimleika- og balletráðið finni upp á sjöttu-pósisjón og að hún verði nefnd í höfuðið á þér." Orð sem ég met mikils en ég er ekki hér til þess að tala um sjálfan mig. Alls ekki. Hér er ég til þess að rétta hjálparhönd góðum vini sem leitað hefur til mín vegna yfirgripsmikillar þekkingar minnar á íslenskri tungu.

Þannig er að Esra Elí[ís-rael] vinur minn á vinkonu sem heitir Jara Sunneva Betsý [ia-ra-sönn-offa-bitsí] og hún á dóttir sem heitir Katrín Ýr [khah-t´rín-íhhhhr]. Esra Elí hafði nefnilega keypt gjöf hand dótturinni og átti í mestu erfiðleikum að skrifa á það þar sem hann var ekki alveg viss um beygingu nafnsins Ýr. Esra minn, hafðu engar áhyggjur, ég skal redda þessu fyrir þig. Þar sem orðið Katrín er ekki að vefjast fyrir okkur [Katrín, Katrínu, Katrínu, Katrínar](Hér þarf ekki að velta fyrir sér greini í beygingu þar sem nafnið Katr er það ákveðið að því fylgir alltaf greinir og þar af leiðandi: Katrín) þá verður það héðan í frá skammstafað K. Áfram með smjörið og tökum fyrir nafnið sem allir eru að bíða eftir:

Eintala: ..... (m/greini)..... Fleirtala: .... (m/greini)
Hér er: K. Ýr (Ýrin) .......... Hér eru: K. Ýr (Ýrnar)
Um: ... K. Ú (Úna) ........... Um: .... K. Ýr (Ýrnar)
Frá: .... K. Ú (Únni) .......... Frá: .... K. Úm (Únum)
Til: ..... K. Ýr (Ýrinnar) ...... Til: ..... K. Úa (Únna)

Auðveldara gæti þetta ekki verið. Ef þú ert enn í einhverjum vafa Esra minn þá skal ég bæta við nokkrum setningum þar sem nafnið kemur fyrir til þess að auðvelda þér þetta:

Dæmi 1: Hérna er gjöfin frá henni Katrínu Ú.
Dæmi 2: (án greinis) Ætlarðu að hætta að tala um hana Katrínu Ú. (með greini) Ætlarðu að hætta að tala um Katrínu Úna.
Dæmi 3: (fleirtala) "Varstu að koma frá heimili Katrína Úm?" eða "Varstu að koma frá heimili Katrínanna Únum?"

Ég vona að þessi málfræðikennsla verði þér að gangi Esra minn.

p.s. Þá tékkaði ég aftur á beygingu sérnafnsins Mjöll og samkvæmt mínum bókum þá beygist það einmitt eins og þú bentir réttilega á: Mjöll, Mjöll, Mjöllum, Mjalla.

Með viljastyrk og góðri handleiðslu

Gætir þú orðið ég. Heppinn?