Komið blessuð og sæl.
Árið á enda og mennirnir með.
Drykkja á morgun og tobbalicious í nýrri skyrtu með nýtt bindi.
Þetta ár var lifandi helvíti, Frostrósirnar settu punktinn yfir i-ið. Árinu verður refsað með mikilli áfengisdrykkju á morgun.
Ef áfengið væri altarisdrengur og tobbalicious kaþólskur prestur, liggur í augum uppi hvor misnotar hvorn.
Gleðilegt nýtt ár.

Nú er illt í efni þar sem kúkaviðbjóðsvinnan hélt mér nauðugum í tvo tíma í dag. Það er nokkuð ljóst að á morgun verður verslunarstjóra tjáð illska tobbaliciousar og ósk hans um að tvær manneskjur verði atvinnulausar á morgun rætist vonandi. Tobbalicious er sanngjarn maður og sættir sig við það að einn einstaklingur missi vinnu. Þreyta hindrar það að meira verði skrifað. Nú lofa ég líka að vera duglegari að skrifa..

Gleðileg Jól !!!!!!!!!!!!!!!!!!!!!!!!!!!!!
this is my gift to you. Enjoy it my children.

síðasta prófið er búið og við félagarnir fögnum því. Tobbalicious fer og heimsækir Jovicious vin sinn. Áfengi verður með í för og geta glöggir lesendur getið sér um það hvernig þetta endar allt saman. Kærasta mín hellir úr skálum reiði sinnar á saklaust fólk sem gerir þau mistök að birtast á skjánum. Hún hræðir mig........... hún......ahhhhhh......

Síðasta próf ársins
Jæja drengir. Síðasta prófið er í dag og andskoti mikill brennivínsandi kominn í tobbalicious. Hvúr vill drekka með tobbalicious???
Svar óskast.
Hér á heimilinu liggur allt félagslíf niðri þar sem einhver fullur ástrali dó við barnsburð. Ekkert skemmtiefni og mínútu þögn á klukkutíma fresti. Hvúr vill deyja við barnsburð, eða þá jafnvel betra. Hver vill vera fullur ástrali???
Svar óskast.
Sendið mér endileg línu.

P.S. ég vona að þær kafni á helvítis svíninu

Mitt líf er snauðara en áður. Fyrir mér opnaðist hlið HELVÍTIS og í nokkrar mínútur blasti við mér ásýnd og rómur MYRKRAHÖFÐINGJANS og handbenda hans. Popptíví var staðurinn, dívurnar fjórar voru martröðin. Angistaróp milljón týndra sála bárust úr hálsi dívanna og líkt og lamb á leið til slátrunnar var óviðbúinn sál mín dregin inn í vítislogana. Töpuð að eilífu er barnæska mín og trú á mannkynið. Svona tónlist er ástæða ófriðar í Mið-Austurlöndum. Var enginn við upptökur á helvítis myndbandinu sem datt í hug að segja: "Valgerður viltu gjöra svo vel að hætta ofleiknum og horfa í helvítis vélina". Ég vona að Valgerður hafi slitið eitthvað við þennan ofleik. Bros dívanna eru ástæða þess að ég græt mig í svefn á kvöldin. Þetta er mín reynsla, lærið af henni börnin góð.

my friends my beautiful friends. Sú stund er runnin upp að tobbalicious verður að flytja að heiman. Já það virðist sem svo að Le Guards du Studente vilji fá nýjan íbúa. Það er því komið að mér að færast örlítið nær miðbænum og þar með allri þeirri spillingu sem því fylgir. Símtal kom í morgun sem bauð tobbaliciousi íbúð. ég þakkaði fyrir og sagði, hvenær fæ ég hana??? 7.janúar sögðu stúdentagarðar. Líkt og hljónstin The Proclaimers hélt fram á sínum tíma, "watch out baby here I come". Læsið hurðunum miðbæjarrottur, ég heimta kaffi.

Tjékkiði á nýja linknum sem gengur undir nafninu "ilon Zoo sá er við Bab er kenndur"

Biðla til allra þeirra sem gætu átt House of the rising sun með tríóinu Muse frá Englandi, að senda mér það sem fyrst á tölvutæku formi svo ég geti á tt það í tölvunni minni. Takk

Lærdómurinn tekur nú völdin og gef ég mig honum algjörlega á vald. Þetta er það sem ég hef alltaf verið að tala um, þessi náttúrulegu fíkniefni eins og lærdóm. Mennt er typpi

My body´s to tobbalicious for ya

Hef haft allan hugann við auglýsingu sem ég sá um daginn. Það var nefnilega verið að auglýsa dömubindi og tekið fram að konur væru svo góðar að gera tvo hluti í einu, þ.e. mæta í vinnu OG vera á túr. Merkilegur hlutur þetta kvinfólk.

Jæja félagar. Próf dauðans lokið og á KGM nú eftir að skemmta sér við að lesa úrlausn tobbaliciousar. Ég er einstaklega stoltur af því hvað þetta var vel skáldað hjá mér og ætla að leggja prófið fram til Íslensku bókmenntaverðlaunanna á næsta ári í flokknum "vísindalegar skáldsögur". Samt tók maður því bara rólega og var ekki að fríka út eins og sumir sem sáu framtíðina verða að engu og börðust við það að halda aftur tárunum, með skjálfandi rödd og pissublett í buxunum. Þetta eru lyfjafræðingar framtíðarinnar, varið ykkur. Þegar þeir verða að blanda Viagra handa okkur tjörutyppastrákunum á eftir að heyrast "má ég sjá, setjum slatta af þessu hérna watchyanowcallit-íni og vænan slurk af þessuhérna-íni". Við erum svo dauðir.....

hvur andskotinn...próf í dag og allir á fullu við prófskreytingar. Próftréð komið upp og prófsteikin inn í ofni. Allir í prófskapi og nú er bara að bíða eftir því að prófsnjórinn fari að falla svo við prófstemmingin komist á fullt. Prófsveinninn hefur verið mjög gjöfull og flýtur allt hér í gjöfum sem settar voru í skóinn. Diffraðu þetta Newton.

Jovicious ert þú meðal okkar enn???? Skrifaðu hvað á þína daga drífur. Forvitnin dregur mig áfram. Ég heimta svör

Kominn með hápólitíska skoðanakönnun um Kárahnjúka. Endilega takið þátt.
Komið svo endilega með hugmyndir um nýja könnun. Þetta er svona "interactiv"´síða það sem þið haldið getið þið sagt mér og ég skal leiðrétta það.

Bestu kveðjur út Hfn. Bjórmálaráðherra er í miklu uppáhaldi hjá tobbalicious þessa dagana enda fluttist linkur hans upp fjöldamörg sæti á heimasíðu Godbjors og er nú sýnilegur öllum. Endilega tjékkið á honum og linkið ykkur svo inn á mína síðu aftur. Það yrði svokölluð Hringadróttinssaga.

minn er draumurinn um betra líf. ég hef ákveðið að nota þetta tækifæri til þess að tala um hlut sem fer dálítið í taugarnar á mér. Þannig er mál með vexti að á mínu heimili er ég það sem kallað er "tík" og því lendir það á mér að sækja pizzur á Domino´s þegar ég fæ leyfi til að panta eina.
Nú er það þannig að þegar sóttar eru pizzur á Domino´s þá er nafn viðkomandi, ef pizzan er tilbúin, kallað upp og hægt er að borga fyrir og fá afhenta pizzuna.
Mitt innlegg er þetta. AF HVERJU Í ANDSKOTANUM ER FÓLK ALLTAF AÐ TROÐA SÉR AÐ BORÐINU OG HALDA HELMINGNUM AF STARFSFÓLKINU UPPTEKNU OG NEITA MÉR OG 300 ÖÐRUM UM PIZZUNA SÍNA MEÐ ÞVÍ AÐ SPYRJA HVORT PIZZAN SÍN SÉ TILBÚIN?????????. ÞEGAR HÚN ER TILBÚINN ÞÁ VERÐUR NAFNIÐ ÞITT KALLAÐ UPP FÍFLIÐ ÞITT.
Verið á varðbergi því að hálvitarnir eru út um allt.

Hér er linkur. SHOW´S YOU CAN; CAN.

Óbærilegur léttleiki tilverunnar

Ljúfmennið ég ákvað það sökum þess hversu góður ég er og alltaf tilbúinn að rétta fram hinn vangann, að skrifa í gestabók fyrrverandi kærustu/vinkonu á bloggsíðu hennar. Ég ætla ekki að gefa upp nafnið á henni eða bloggsíðunni en þeir sem til þekkja vita hver hún er.
Nú var ég að skoða gestabók hennar og sá hvergi mína færslu. Spurningin er, á ég að skrifa aftur því það virðist sem færslan hafi skolast til á internetinu og ekki ratað rétta leið? Segðu mér þína skoðun og saman tökum við þessa miklu og erfiðu ákvörðun.

Kominn með stingandi hausverk undan því að geta ekki dottið í það. Próf eru svipuð og strokleður. Verkfæri djöfulsins.

Ég ætla að koma með svona spurningu dagsins. er einhver að lesa þetta hjá mér fyrir utan Hafdísi. Gott ef þið vilduð svara. mjög gott

Góðan dag kæru samborgarar!!!!!!!!!!!!!!!

Nú líður senn að prófi og allir í góðum fíling. Náði ekki að lesa blöð í morgun sökum þess að espressoinn hafði ekki náð enn til hjartans og tel ég mig nú þurfa að sprauta því beint "Pulp fiction-style" í vinstra hólf hjartans. Það ætti að vekja mig. Menntahrokinn er í algjöru hámarki núna og kom best fram í morgun þegar ég hrækti framan í skúringarkonu hér á háskólasvæðinu og úthellti bensínafgreiðslugaur fyrir að standa í vegi fyrir uppgangi og almennum launahækkunum á Íslandi. Annað en ég sem skapa ómetanlegan gjaldeyri fyrir þjóðina með því að virkja þessa óþrjótandi uppsprettu hugmynda sem ég kalla heila.

p.s. eilífðarvélin mín er alveg við það að verða tilbúinn. Vantar bara að hún gangi, og að ég smíði hana. En tæknilega séð þá gengur hún ef mér tekst að finna upp ´nýja gerð málms til að smíða hana úr. Ætti ekki að vera erfitt.

Það er próf í dag svo þið verðið að láta ykkur nægja þennan link hér.

Allt sem birtist undir nafninu "Sindrilíus" er ekki hægt að taka alvarlega. Þetta kemur frá sömu aðilum og færðu okkur "I LOVE YOU"-vírusinn.

Once again back, it´s the incredible.....

Almenn leiðindi og jólaþunglyndi hefur haldið aftur af mér í þessum skrifum mínum á þessu svokallaða "alneti". En Fréttablaðið sá mér fyrir nægilega mikið af fréttum sem ættu ekki að eiga sér stoðir í raunveruleikanum, þannig að nú er ég fullur af jákvæðu hatri og tilbúinn að takast á við lífið.
Frétt nr.1: Tveir bræður sem fara fram á það að Papa John´s borgi þeim fyrir það að þeir höndluðu ekki að nota hreint hráefni, ákveðna stærð af pizzum eða aðallega að fara eftir reglum frá Papa John´s. Það er á svona stundum sem ég vil sjá opinberar hýðingar á Íslandi. Ef þeir hefðu fengið leyfi frá Subway ætluðu þeir þá að selja Sóma-langlokur að því að það væri miklu hagkvæmara. "Við hefðum farið eftir reglum Subway en það hefði bara ekki svarað kostnaði." Fífl.
Frétt nr.2: "Coldplay sparar ekki tækjaflutninginn, RISASKJÁIR Í LAUGARDALSHÖLL". Ein af þessum mannlegu fréttum um mikilmennsku stórhljómsveita. Af því að það voru svo margir sem ætluðu á tónleikana til þess að sjá risaskjána en ekki Coldplay. Tónleikagestur:"Mér leist svo sem vel á Coldplay og Ash en það voru skjáirnir sem innsigluðu það að ég ákvað að fara."Fífl.

Auk þess ætla ég ekki að eyða orðum í Guðrúnu Gunnarsdóttur. Þó svo að hún sé að hvetja til aukinnar umræðu um ofbeldi/klám. Fór þó að spá í það hvort hún myndi mæta í pallborðsumræðurnar eða sitja heima til þess að hvetja ekki börnin sín til þess að horfa á klám.

Hjálpið mér að hjálpa ykkur

Nú er komið ákveðinn bloggleiði í tobbalicious. Þetta virðist eiga við alla þá sem byrja á þessu rugli, en hvað með það. Ég á eftir að komast yfir þetta, I promise. Samt er erfitt að ákveða hvað maður á að skrifa um. Sérstaklega vegna þess að mitt líf fylgir ákveðnum "Copy/Paste"-stíl þessa dagana, þar sem hver dagur er nákvæmlega eins og sá fyrri. Bill Gates hefur greinilega líf mitt í sínum höndum. Mig vantar gömlu dagana þegar maður datt í það í Minneapolis og vaknað í Northfield í farþegasætinu á skítugri bíldruslu, og þurfa að spyrja lögreglukonu, hvar nákvæmlega í heiminum maður sé niður kominn. Those were the good old dayz.

Pabbi sýgur feitan

Mánudagur og ég er tæknilega séð vakandi, tæknilega séð.

Ne,i þetta var víst "niðurskurður" sem fullu eldri borgararnir voru á móti. Þökk sé Deezu fyrir leiðréttinguna.

Hún Varis Dirie hefur greinilega haft áhrif á fólk með því að vera full í Eymundsson. Annað fólk sem var líka fullt í Eymundsson, nefnilega eldri borgarar eru núna líka á móti umskurði. Af hverju þarf maður að vera fullur til þess að vera á móti umskurði???

Hér liggur óvinur okkar og bíður þess að ráðast aftan að okkur, taka fyrir vitin, leggja kutann að hálsum okkar og þegar kutinn hefur stutt ferðalag sitt fá vinstri hlið hálsins yfir á þá hægri, hvíslar hann í eyra okkar, "I do this because I love you".

Hinn síglaði tobbalicious er mættur enn einu sinni fyrir framan tölvuna og vill endilega fá að segja nokkur orð.
Fyrst vil ég benda reykingamönnum á það að í Hvammasjoppu í Hvömmunum í Hfn, fást sígarettur á 465kr, sem er skömminni skárra heldur en að borga 515kr.
Verslið nú sígarettur sem óðir væruð. Því meira því betra.
Annars er ég sko að hætta, í alvörunni, nei ég meina það , þið skiljið ekki, ég ætla að hætta.
Nóg um það, þá er ég að hugsa um það að fá vinahópinn til þess að flytja með mér til Ítalíu. Mér virðist sem að Dabbi kóngur sigri aftur og jafnvel að hann kreisti út meirihluta með sjálfum sér og held ég það yrði skárra að láta Silvio stjórna sér með harðri hendi heldur en það að selja sál sína úr sér gengnum forsætisráðherrum sem þola ekki lengur gagnrýni og eiga bara til eitt svar við öllum spurningum sem fyrir hann eru settar. "Þjóðin veit ekkert um það!". Flýjum land og látum gott af okkur leiða í öðrum löndum. Ég segi: Ekki meira blóð handa Davíð. Við verðum hvort sem er skotin niður í flugvélinni, það sagði mér góður maður kenndur við 2000, ekki Friðrik heldur Friður. Hér læt ég lika fljóta með link yfir á kanínusleikjandiblómaétandihippasamtök.

Stúdentagardar hafa miskunað sig yfir mig og ætla að veita mér íbúð sem allra fyrst. Tobbalicious er númer eitt á biðlista og gæti fengið íbúð ef engin sex barna einfætt móðir frá Trékyllisvík treður sér fremst á lista. Ekkert nema góðar fréttir sem koma í dag. Erfitt að ver fúll út í allt og alla á svona góðum degi. Jo-vicious komin með vinnu og tobbalicious nálgast miðbæinn með hverjum deginum.

Heello kids. Það er skylda mín að segja þessa litlu dæmisögu úr daglega lífinu. Þannig vildi til að einu sinni var ég ungur og vildi vera voða stæltur og fínn til þess að heilla dömurnar(í dag ét ég djúpsteikt beikon og egg úr fötu meðan ég horfi á Gauja litla púla). En þannig var að ég stundaði líkamsrækt og mætti samviskusamlega á hér um bil hverjum degi. Einn dagur var þó frábrugðinn öðrum þegar ég stend í tækjasalnum og segi í mesta sakleysi við kærustu mína sem var stödd með mér að ég sé nýbúinn í ákveðnu tæki í salnum. Þessi setning lauk hér um bil lífi mínu. Hálftíma seinna ákvað ég nebblilega að fara í sturtu. Þegar inn í klefann er komið ræðst að mér köggull af fyrsta flokks kjötfjalli af Marokkóbúa og hreytir framan í mig "ÞÚ EKKI KALLA MIG NÝBÚA!!!!!!!!". ha? sagði blindi tölvunarfræðineminn og brosti sínu besta baby-spice brosi framan í fjallið. "ég heyrði þig kalla mig nýbúa, ÉG EKKI NÝBÚI". Svitaperlur birtust á hvítum krepptum hnefum Marokkóbúans, og hné tobbaliciousar skulfu. Stutt líf mitt þaut í gegnum huga minn. En af einstakri góðmennsku þyrmdi Marokkóbúinn lífi mínu og læt sér nægja þessa léttu viðvörun.

Ég læt mér segjast og lít til beggja hliða áður en ég nota orðið 'nýbúinn'.

Varð fyrir hræðilegri lífsreynslu..... svo vildi til að ég þurfti að fara á klósstið.. almenningsklósstið... bara til að pissa reyndar en það var einhver sem þurfti að eyðileggja þessa ferð mína á almenningsklósstið. Rétt á eftir mér inn á klósstið gengur annar einstaklingur og þar sem ég er frekar scary gaur þá fór hann auðvitað ekki á pissuskálina við hliðina á mér heldur inn á bás. Þaðan fara síðan að berast þessar líka ánægjustunur..OHHHH.... AHHHHH.... ÚHHHHHHHH og drengurinn var bara að míga!!!!! My point being "KEEP IT TO YOURSELF". Það er of scary að þurfa að hlusta á aðra míga á þennan hátt. Ég er búinn að skrifa Amnesty og ætt undirskriftarlistinn að birtast á heimasíðu þeirra á hverri stundu. Ég meina það, stynja við það eitt að míga??? Hvað næst.......

Það hreinlega rignir yfir mig heillaóskaskeytum í sambandi við þetta html. ég þakka þresti skeytið.

Þá er komið að tobba. lagði líf og limi í hættu í dag. fór í fyrsta lagi út í þetta ógeðsveður auk þess sem ég setti upp síðuna hjá jo-vicious félaga mínum hér á blogginu. Eftir 6 tíma baráttu hafði ég helvítis HTMLið undir og get hér með talið mig vera HTMLglímukóng Íslands. Mikill sigur manna á tölvum hefur átt sér stað og ættu allir þeir sem mig þekkja að fyllast lotningu, hengja mynd af mér upp á vegg hjá sér og hylla kónginn. Hver er konungur internetsins???? Jú það er tobbalicious sem er konungur internetsins

Kominn aftur eftir smá hvíld. Ég held ég hati daysleeper... reyndar myndi ég hata allt það sem nefnir plötuna sína eve alice.. væmnara verður það ekki. ásamt því að lögin þeirra virðast einhvern líða áfram og árfam og áfram og áfram og áfram. Það að einhver fyrir utan stúlkur á aldrinum 16-22 hlusti á þetta "að því að Sverrir Bergmann er svo ógeðslega sætur" er mér óskiljanlegt. Vona að þeir endi ferilinn í hræðilegu hljóðprufuslysi. Annars er það helst að próftími er hafinn svo það er best að byrja að lesa...HA HA HA HA HA.. meeeen hvað ég er fyndinn. Stay black

Útlitið er komið. sæmilega takkí og grænt. Allt er vænt sem vel er...... oh I forget.

Þetta ætti að kenna jovicious að svíkja mig ekki um kaffið mitt á mánudögum. Búinn að koma upp gestabók, teljara, messageboardi og einni mynd. Put that in your pipe and smoke it.

Mánudagur og allir í góðu stuði. Það er hægt að merkja það á tölvunarfæðinemum að próf nálgast. Það er æðislegt að fylgjast með því hvernig kippir í andlitum og útlimum aukast til muna svo að heil skor í háskólanum lítur út fyrir að vera á Micheal J. Fox eftirhermunámskeiði. Allir þessir kippir bara til þess eins að falla síðan á prófunum. Ég myndi frekar hafa áhyggjur af því að hvort það sé Astró eða Hótel Ísland um áramótin. Nei maður má ekki vera svona leiðinlegur, en mitt innlegg er þetta. Í stað þess að ætleiða hval þá legg ég til að hver sem getur ættleiði tölvunarfræðinema. Takið eftir tvíundarteljaranum. HA HA HA HA hverju dettur þessum strákum næst í hug????

Helgin að verð búin og það virðist sem svo að engu hafi verið komið í verk nema að drekka sig út úr heiminum á föstudag. Djöfull er gaman að vera drukkinn. Ég ætla alltaf að detta í það um næstu helgi. Þökk sé Jovicious fyrir frítt áfengi.

Hef jafnað mig á því að bíll dauðans hafi látist í rigningunni í gær. Skrítið að enginn hafi drepið mig fyrir það að reyna að starta helvítis viðbjóðs bílnum fyrir utan sundhöllina. Ég hefði fyrirgefið það. Teljari kominn upp og fínt. Maður er að rokka í þessu helvíti. Liverpool fær þakkir fyrir það að hafa snyrtilega eyðilagt daginn, betra verður það ekki. Sees ya