tobbetto

... gömlu góðu dagarnir...

Bróðir minn var á menntaskólaballi* í gær. Sem fékk mig svolítið til þess að rifja upp gömlu dagana þegar við strákarnir fórum á þessi böll í Menntaskólanum. Það var svo gaman! Ég ætla að rifja það upp í formi draums sem ég mig dreymdi fyrir nokkrum árum síðan.

Ég er staddur í sjónvarpssal árið 2041. Það er apríl og vorið á næsta leiti. Guð má vita af hverju ég er tekinn í viðtal... kannski af því ég var valinn vöðvastæltasti persónuleikinn.
"... og með okkur líka í salnum er tobbalicious, sem var valinn líklegastur til þess að taka stera til þess að auka persónuleika sinn. Vertu velkominn."
"Takk. Mig hefur alltaf langað til þess að koma hingað og komdu sæl, Hildur Vala, hvern hefði grunað að þú hefðir orðið ólympíumeistari í stangastökki kvenna? Ekki ég!!! Með yndislega söngrödd og höndlar svo líka stöngina með þvílíkri fágun að fullorðnir karlmenn gráta og fyllir kvenmenn öfund. Þú ert minn Guð!"
"Takk. Viltu að ég syngi handa þér lag?"
"Nei. Þetta er allt í lagi. Ég var bara að vera kurteis. Vert´þú núna kurteis og þegiðu."
"Ókei."
"Tobbalicious, segðu okkur nú aðeins frá uppvaxtarárum þínum. Varstu ekki á fullu í félagslífinu? Ef ég þekki þig rétt þá varstu það, ekki satt?"
"jaaaaaa. Ekki fyrr en í menntaskóla. Við vorum fimm félagarnir sem vorum mjög svo virkir í félagslífinu. Vorum á öllum böllum og samkomum sem skólinn hélt."
"Og hvað var gert á þeim tíma á böllunum?"
"Við... soldið langt síðan.. hvað gerðum við?.. Yfirleitt byrjuðum við á því að fara í partý og fá okkur í aðra tána. Til að koma smá hugreki í okkur til þess að tala við stelpurnar. Og einhver okkar varð að koma með Natusan."
"Natusan? Til hvers?"
"Það var til þess að smygla víninu svo inn á ballið. Þeir voru hræðilegir og hyrtu af okkur allt vín ef þeir fundu það. En við fundum frábæra leið til þess að koma því inn án þess að þeir finndu það. Þannig var að við vorum með svona miniatúrflöskur sem við smurðum með natusaninu og tróðum svo upp í rassgatið á okkur. Þannig var engin leið fyrir gæsluna að finna það nema með gúmmíhanska og ég held þeir hafi engan áhuga á því! En þú?"
"Ne.... nei. Nei ég held ekki."
"Svona var maður útsjónasamur í gamla daga! ha ha ha!"
"Þetta er hreint út sagt ótrúlegt! Einhver tilgangur með þessari sögu?"
"Nei, eiginlega ekki. Mig hefur bara alltaf langað til þess að segja frá þessu. Legið á sálinni."
"Það var kannski líka ekki þetta sem ég meinti með ´félagslífi´"
"Já ég veit. Okkur leiddist líka alltaf á þessum böllum. Það vildi engin stelpa tala við okkur og við enduðum á því að drekka miniatúrana inni á klósetti og bítta á sígarettum við stráka sem við vissum að væru tilbúnir að sjúga á okkur sogbletti í staðinn. Og svo þóttumst við vera kúl á eftir og sýndum öllum sogblettina en það trúði okkur enginn. Ég átti ömurleg menntaskólaár. Fyrirgefðu, ég ætla að gráta. Áttu hníf?"
"Hníf?"
"Ég er að spá í því að fara inn á klósett og skera mig á púls, ef þér væri sama?"
"Mér er svo sem alveg sama. Hildur Vala?"
"Hey, kúl maður."

*bróðir minn er í Fjölbrautarskólanum við Sund sem er langt frá því að vera menntaskóli.