tobbetto

Umhverfisvænn í einnota umbúðum

"... og ég var svo fullur að ég ældi næstum yfir hana! Ha! ha! ha! Og það er sagan af síðasta stefnumóti sem ég fór á."
"Mikið rosalega er ég ánægð að hafa komið með þér á þetta. Ætlarðu nokkuð að endurtaka leikinn?"
"ha? Nei nei. Eða ég held ekki, ætlarðu að reyna að fylla mig? Reyna að koma mér í rúmið? Þið stelpurnar eruð alveg ótrúlegar! Ekkert nema ríða ríða ríða!"
"Við "stelpurnar" erum ekki þannig. Mér þætti væntu um það ef þú myndir róa þig aðeins niður í áfengu drykkjunum."
"Ok. Ég skal... (sopi) ..ekki drekka mikið. Alla vega ekki eins mikið og þegar ég fór út með Gumma vini mínum, maður. Djöfull vorum við fullir! Ég stóð ekki í lappirnar og var búinn að missa tvær pulsur niður á mig og svona fimm bjóra held ég líka. Gummi var að reyna við eina ógeðslega feita og við vorum alltaf að gera grín af henni. Þú veist hvernig. Eina svona með undirhöku, jafnvel tvær sem að maður getur eiginlega ekki staðist að klípa aðeins í. Hefurðu einhvern tímann gert það?"
"Gert hvað?"
"Klipið í undirhökuna á feitri stelpu? Þá er ég samt ekki að meina feitri... heldur meira svona "hallóóóó, ég er barbapabbi en þú mátt kalla mig Sólveigu" sem vaggar síðan þegar hún labbar."
"En gaman. Þú kemur svo sannarlega á óvart. Þetta er eitthvað sem ég bjóst ekki við að heyra á fyrsta stefnumóti. Ertu með einhverjar fleiri sögur?"
"Ekki kannski núna. Ég er einn af þessum... hvað kallast þeir aftur?... mjúkir... já, einn af þessum mjúku mönnum. Segðu mér eitthvað frá þér. Ekki samt eitthvað þegar þú varst að slumma gamla kærasta. Mig langar ekkert að heyra það."
"Mig langar líka ekki til þess að segja þér frá því. Aldrei."
"Láttu ekki svona. Auðvitað langar þig til að segja frá því. Ég veit alveg hvernig stelpur virka. Alveg eins og þarna bækurnar, hvað hétu þær... amma var alltaf að lesa þetta... Rauða serían! Þið, stelpurnar, eruð alveg eins og rauða serían! Nema bara með lappir. Uppfullar af sögum um stráka með six-pack og stór typpi og hvernig þrátt fyrir það að hún hefði verið besta vinkona þín frá upphafi þá gerðist það bara einu sinni og þið voruð meira forvitnar heldur en ástfangnar, það muni aldrei gerast aftur en það var nótt sem þú munir aldrei gleyma.."
"... ertu ekki að grínast?!!!"
"... og ... og ... og svo hafirðu einhvern tímann hitt einhverja tvo gaura og ekki getað gert upp á milli þeirra svo þú hafir tekið þá báða með þér heim. (há eftirhermukvenmannsrödd) "Og þeir föðmuðu mig og kysstu og knúsuðu! Mér fannst ég svo elskuð. Eitthvað sem ég fékk aldrei frá pabba mínum." Ekki það ég sé að meina að þú viljir sofa hjá pabba þínum, ég er sko engin pervert."
"EN þú ert viðbjóðslegur!"
"Hvað meinarðu? Ég bara að reyna að vera opinn og skemmtilegur."
"Þú ert það ekki og ég er farin! Vertu sæll!"
"Nei, bíddu! Ég var bara að grínast! Ég er ekkert svona. Ég er bara svo stressaður. Ég veit ekkert hvað ég er að segja, gefðu mér annað tækifæri. Gerðu það!"
"Ég veit ekki. Það getur verið að þín tækifæri séu búin. Ég er eiginlega búin að fá nóg. Mér finnst ég þurfa að fara í bað."
"Ég lofa að haga mér. Geeeeeeerðu það!"
"Ok. Eitt tækifæri.... ef þú klúðrar því þá er ég farin.... hvað er það sem þú sagðist vera að gera?"
"Ég? Ekkert spennandi eins og er. Meira svona á milli vinna þangað til ég finn mér eitthvað skemmtilegra heldur en það sem ég er að gera núna. Er maður ekki alltaf að leita að einhverju skemmtilegu að gera? Alla vegna einhverju skemmtilegra en vörutalningu hjá íþróttavöruverslun."
"Vörutalningu? Er það vel borgað?"
" ... "
"Tobbi! Ertu að hlusta á mig?"
" ... "
"Tobbi!!! hey!"
"... sérðu júllurnar á þessari!!!"