ER voðalega góður maður. Allt sem ég skrifaði í gær var gert undir áhrifum ólyfjans sem mér var byrlað af kommúnistum sem áttu leið framhjá fyrirtækinu í gær. Ég var ekki með sjálfum mér og veit ekki hvaðan þetta hefur komið. Ég veit ekki betur en ER hafi splæst á mig ís á hverjum degi og mörgu hádeginu hef ég eytt í kjöltu ER og hann hefur sagt mér ævintýri og ég sötrað á heitu kakói sem hann útbjó. Ef fleiri væru eins og ER þá væri heimurinn betri staður.
Annars var ég að taka eftir því þegar ég þeysi um götur Rvk á litla sendibílnum mínum að það er þvílík tíska að koma upp hjá sendibílstjórum í sambandi við handfrjálsan búnað. Þó svo að sendibílstjórar séu salt jarðarinnar og undirstaða lýðveldisins þá verð ég að segja að þeir eru komnir út í öfgar. Nú eru handfrjálsu tækin þeirra orðin stærri en síminn og þeir farnir að hallast ískyggilega til annarrar hliðarinnar. Það er ekki hollt að vera með 5 kílóa stykki hangandi í eyranu. Þeir eru farnir að líta út eins og Paula Abdul þegar hún var upp á sitt besta með handfrjálsan á sviðinu. Allt er best í hófi var einhvern tímann sagt og ætla ég að vona að sendibílstjórar taki það sér til fyrirmyndar.
Góðan Dag! Ég er sendibílstjóri. Sérð ekki símann minn er það?
No comments:
Post a Comment