Lýðveldishátíðin nálgast ískyggilega hratt. Maður verður hér um bil næstum því alveg hræddur við þennan hraða. Ég hallast að því að um sé að kenna margmiðlun. Tölvurnar hafa loks náð völdum og hvern einasta dag töpum við einu sekúndubroti. Sem endar náttúrulega með því að dagurinn breytist í andefni sitt og fellur saman undan eigin þunga. Þá væri ég ekki til í að vera til. Hugsa sér! Þetta eru þeir búnir að reikna út. Hávísindalega sannað og allt það.
Hef ekki hitt Hálfmanninn Spörra Seríós og hans unnustu í langan tíma, gæti verið að ég sé að fá fráhvarfseinkenni eða þá að búðarstörf séu loksins farinn að hafa áhrif og hægt og sígandi þá er orkan og sálin dregin úr mér af leiðinlegum viðskiptavinum með asnalegar spurningar. Death to them all!!!
Unnusta Spörra kom nefnilega alltaf til mín í kaffi í hádeginu í vetur, þá hét hún JoVicious, en eftir að ég byrjaði að vinna þá höfum við ekki haft tíma til þess. Nú sakna ég unnustu Spörra ógurlega og tel niður dagana þangað til við sötrum kaffi aftur saman. Unnusta Spörra hvar ertu???? Þess má geta að hún verður eign Spörra eftir rétt rúmlega ár. Ætli ég verði þá búinn að gleyma nafninu á henni?? Það verður spennandi að sjá.
No comments:
Post a Comment