tobbetto

Komst að því hvernig mitt patriot skeyti lítur út. Þegar ég gekk framhjá nýju blokkunum hér á Eggertsgötu heyrði ég mjög klárlega "SVVVVÚÚÚÚÚÚSSSSSSHHHHHH" og því fylgdi nokkuð hávær "BOINK!". Eyrað á mér sveið og við hlið mér lá sökudólgurinn. Brúsi af hárspreyi hafði greinilega fallið úr nokkurri hæð og rétt svo misst af hausnum á mér. Það er greinilega einhver þarna sem er að lesa bloggið mitt og vill mig feigan. Nú má alltaf sjá mig hlaupa af öllum lífs og sálarkröftum framhjá þessari blokk að reyna að komast lifandi í skólann. Það er sannarlega erfitt að vera hataður. En ég hef samt útlitið. Fallegi tobbalicious. Þau öfunda mig af útlitinu, ég vissi það.