tobbetto

Íþróttaiðkun

Þvílíkt duglegur þessa dagana. Fór tvisvar í sund. Ef það er eitthvað sem ég elska við að fara í sund þá er það að standa í sturtu umkringdur öðrum karlmönnum. Bíddu?....... lesum þetta aftur... ok.... Nei! Ég var sko að meina allt annað. Ég vildi meina að ég hata það... ééééég eeeer sko svona eingin hommi. Ég er nefnilega ekkert almennilegur hommi en eftir eina ginflösku þá er aldrei að vita hvernig skemmtunin endar. Hvern er ég að plata? Varla að ég nái að klára fyrsta sopann áður en ég er farinn að veifa seðlum framan í bláókunnuga karlmenn til þess að fá þá til að káfa á geirvörtunum á mér. Ég ætti kannski að hætta núna? Meðan ég held enn reisn...... sem... ég.... þarf... aðeins... að... fara á klósettið... ... ...
....
....
....

Kominn aftur! Var nefnilega á klósettinu......... að?.....að?.... að kúka! Já! Ég var þar inni að kúka. Hvert var ég kominn í sögunni? Sturtuklefar og karlmenn. Best að ég byrji bara aftur. Nýr titill og allt.

Sturtuklefar og karlmenn

Svo ég er mikið í sturtum með öðrum karlmönnum þessa dagana. Sem er góður hlutur tel ég. Til þess að komast í samband okkar á milli. Rækta sameiginlega karlmennsku og allt það. Karlmenn eru aldrei nánari en akkúrat á þeim tímapunkti þegar þeir eru naktir og þaktir sápu í sturtu. Þannig var það einmitt um daginn þar sem ég stóð milli tveggja karlmanna og sápaði mig. Fór örlítið að velta fyrir mér hvað myndi gerast? Hvað myndi gerast ef ég segði allt í einu: "Þetta finnst mér best strákar! Það má nefnilega segja að ég sé áleggið í samlokunni, ekki satt?" Hvað myndi gerast ef ég læti út úr mér: "Mér líður alltaf best svona í miðjunni!"? Ég held að strákarnir myndu nú bara taka vel í það. Við erum svo rosalega líbó á þessu.

Ég ætlaði að kynna hér nýjan þátt í þessu bloggi. Listasmiðurinn Völundur er ekki einungis lunkinn við að reisa hús heldur á hann það til að lauma inn nýjum orðum í íslenska tungumálið með einstaklega skemmtilegri orðasmíð. Við gefum boltann yfir til Völandar(?) Nei. Þetta hljómar eitthvað skrítið. Völundurs(?) Eitthvað skrítið við þetta líka. Orðabók Völundar, gjörið þið svo vel.

Völundur velti því fyrir sér eftir að hafa séð orðið barnagirnd í Fréttablaðinu hvort þeir sem hallast til eigin kyns væru þá samkyngirndir? Þeir sem legðust með búfénaði væru þá að sama skapi haldnir fégirnd.

Hvetur nú Völundur alla sem vettlingi geta valdið að skipta út orðinu hneigð og koma inn í tal- og ritmál orðinu girnd.

tobbalicious tekur undir með Völundi. Hann sem gagnkyngirndur maður lýsir yfir stuðningi við réttindabaráttu samkyngirndra. Erum við hvort eð er ekki öll tvíkyngirnd inn við beinið?