tobbetto

Andlegt móðurofbeldi

Mánudagur... er ekki slánadagur..... er að reyna að bæta upp emailaleti og senda þeim skÍtölum sem ég hef kynnst þennan vetur og í gegnum ævina email. 2 búin. 30 eftir. Djöfull hvað er leiðinlegt að skrifa þessi helvíti. Jafnvel leiðinlegra en að skrifa sms. Og það finnst mér leiðinlegt, jafn leiðinlegt og að þrífa sjálfan mig. Enda hefur það ekki gerst í mörg ár. Gróið fyrir sturtuna. EN ég lít helvíti vel út, vel photoshoppaður þar sem gróið er fyrir allar svitaholur líka. "Spartslaði litli strákur, komdu til mömmu!"

Kominn tími á það að blammera aðeins stelpur. Af einhverjum orsökum finnst stelpum voðalega sniðugt að segja "Nei!" við mig. Ekki þetta venjulega, nei, heldur miklu miklu miklu meira "Nei!" Svo eru það líka aðstæðurnar sem ég er að lenda í þessum "Nei!" sendingum frá þeim. Það er ekki eins og ég sé að biðja um koss eða anal. Miklu frekar þannig að ég er að tala svona almennt um sjálfan mig og lífið þegar allt í einu glymur í einhverri: "Nei!"

"Rosalega er ég eitthvað slappur."
"Nei!"

"Ætli Páll Óskar sé hommi?"
"Nei!"

Svo er alveg sama hvað ég minnist á þetta við ónefndar stúlkur, sem ég þekki en ætla ekki að nefna á nafn en þær jóhanna, hafdís, dóra og mamma vita alveg hverjar þær eru, þær halda þessu samt alltaf áfram og láta ekki segjast. Andlegt móðurofbeldi. Víst að móður minni tókst ekki einni að berja mig til hlýðni eru vinkonur mínar komnar henni til aðstoðar án þess þó að hafa nokkurn tímann verið beðnar um það. Það á að reyna að halda mér í skefjum með stöðugu áreiti og niðurbroti af kvennlegu innsæi. Þær fylgjast grannt með mér og svo þegar þær sjá að sjálfstraust mitt er að nálgast hámark kemur skotið, leiftursnöggt: "Nei!"

"Hvað meinarðu, nei?"
"Bara "Nei!""
"Þú veist ekkert hvað þú ert að tala um. Þú áttir ekki heima í Stykkishólmi og spilaðir aldrei með 6.flokki Snæfells á móti Skallagrími."
"Þetta er samt vitlaust hjá þér!"
"Hvað meinarðu vitlaust?"
"Bara vitlaust og hættu þessari vitleysu."

Losna ég aldrei undan oki mæðraveldisins? Ó mig freaking auman!!!

Ástæðan fyrir því að ég elska stelpur svona heitt.