tobbetto

pneumókokkafjölsykrur

FOkkt if I know what it means! Hljómar samt eins og eitthvað sem gæti rústað manni í sjómann. i.

Jæja, kids. tobbalicious er nú kominn á fullt í heimspekideild og þau undur og stórmerki gerðust að strákurinn virtist vera að læra. Kennarar töluðu nokkuð skýrt og ég fann varla fyrir neinum flökurleika. Kannski maður sé að gera rétt með þessum skiptum? Er samt strax farinn að útiloka mig frá samnemendum mínum. Reyndist mun auðveldara en ég hélt það yrði. Þrír tímar í dag og með þremur setningum tókst mér að tryggja mér lausan stól við hliðina á mér í allann vetur. Þess má geta að í ölllum tilvikum voru borð og stóll laus og því engin ástæða fyrir því að spurningin væri lögð fyrir mig til að byrja með.

1. "Er þetta pláss laust?" Svar: Ná augnsambandi. Gelta svo tvisvar og helst ná þeim krafti að hor leki úr nös. Feyðandi munnvatn
sakar ekki heldur.

2. "Er þessi stóll laus?" Svar: Ná augnsambandi. Halda augnsambandi meðan þú teygir þig í stólinn, tekur hann upp og hristir
duglega. Haldu augnsambandinu og stólnum enn á lofti, segðu við viðmælanda "já!" og haltu stólnum
þangað til viðkomandi lætur sig hverfa.

3. "Get ég fengið að setjast hérna?" Svar: Ná augnsambandi. Segja svo viðkomandi: "Ef þú gerir mér einn greiða! Nennirðu að lyfta upp bolnum hjá
mér og segja mér hvort þetta sé varta á milli herðablaðanna á mér?"
Hnerra svo í lófann og rétta hann fram.

Bíðið bara þangað til ég fer að kvarta yfir því að enginn vilji setjast við hliðina á mér. Maður er nú alltaf að skipta um skoðun. Aldrei ánæður. Er strax búinn að taka eftir nokkrum smáatriðum sem skilja að nemendur á verk- og heimspekideild. Meðan verkfræðinemar koma í skólann í íþróttaskóm með frönskum rennilás þá eru nemar heimspekideildar í íþróttaskóm með reimum en hafa bara ekki enn náð valdi á því að reima. Því er ekki ólíklegt að heyra klikk! klikk! klikk! þegar þeir æsast allir upp við nýjustu tilvitnuna í Jung og hreyfa löppina upp og niður líkt og æstur hundur myndi rófuna. Annað sem ég tók eftir er sú staðreynd að heimspekinemar, sem eru reyndar nokkrum árum eldri en verkkfræðinemar eru alls óhræddir við að nýta sér alla þá möguleika sem skeggvöxtur hefur uppá að bjóða. Verkfræðingar eru mjög illa að sér í skeggvexti og eru því yfirleitt búnir að klára "rakstur" hýjungsins fyrir vikuna á mánudagsmorgni svo þér líta mjög snyrtilega út í framan.... alltaf. Heimspekinemar eru miklu villtari og hika ekki við að fara út til endimarka þess sem skeggstíll og vöxtur leyfir. Brjálaðir! Halda þeim engin bönd?!!! Þetta endar með slysi. Fer aldrei saman mikill skeggvöxtur og lausar skóreimar.

Annars þarfnast hjól atvinnulífsins snúnings og hefur tobbalicious svarað kallinu með því að lofa sér í vinnu í kvöld. Búðin mín verður því í góðum höndum fram eftir kvöldi og einungis róni sem slysast niður af Hlemmi vegna kulda eða eins og ein góð ránstilraun sem gæti spillt friðnum sem ég býst við í kvöld. Nema náttlega ég myndi bara hella mig fullann og ræna helvítis búlluna????? Þarna er eitthvað sem mér hefur aldrei dottið í hug áður. Ætti ekki í erfiðleikum að lýsa ræningjanum fyrir lögreglunni, ehhhh.... þekki samt sjálfan mig það vel að ég myndi örugglega klúðra því líka. Það kemst þá kannski aldrei upp um það hver rændi búðina??? Myndavélar..... bleh! Syndavélar segi ég! Ef þeir fara eitthvað að reka framan í mig upptökur hef ég tilbúið svar: "Nei, þetta ert bara þú!!!" Hvernig ættu þeir að geta sannað þetta uppá mig þegar ég hef svona góð mótrök? Ekki séns.

Svo ætla ég að reyna að muna eftir því að klára þessa blessuðu ferðasögu á morgun. Ef ekki þá verður það bara að vera þannig, ekki satt?

Textabrotið er svo ætlað þeim sem skilja það.