tobbetto

Fusion dauðans!

Matt Bellamy kann að spila á gítar. Það verður ekki af honum tekið. Það er samt alveg hægt að taka af honum gítarinn ef maður vill. En ég held að sá maður sé ekki til. Því að hann spilar svo vel á gítarinn, fattiði?

Tónleikar í gær tær snilld og ljóst að Páli Óskari og Móniku hefur verið ýtt af stalli sem besta tónleikaband í heimi. Foo fighters var rokkið holdi klætt en Muse eru bara svo hrikalega góðir tónlistarmenn að það er ekki fyndið. Ekki hægt að bera þessa hluti saman. Samt eiga þessar tvær hljónstir það sameiginlegt að hafa bjargað árinu. Algjörlega. Meira að segja Bjórmálaráðherra sást svífa í swing-sveiflu með Stjána. Gaman þegar fólk er ungt og ástfangið.

Eitt verð ég þó að segja sem fer ótrúlega í taugarnar á mér með tónleikahald á íslandi. Tvennt. Í fyrsta lagi er það "höllin" eins og við strákarnir í boltanum köllum hana. Hræðilegur tónleikastaður, hljómburður með versta móti þegar svona hljónstir líkt og muse koma. Með Foo varð maður ekkert svo var við það því það var rokk beint af krananum, nóg bara að kyngja því. En muse er að leika sér allan tímann með hljóð, gítarsólo og píanó en þessi blessaða höll ræður ekkert við það. Gerið það fyrir mig að finna eða byggja annan stað.

Svo er það annað. Af hverju í andskotanum er ekki seldur bjór á tónleikum? Why? Why? Why? Í gær varð ég áþreifanlega var við það hvaða áhrif það hefur að selja ekki bjór. Sást ekki vín á þeim sem voru eldri en tvítugt en ALLIR þeir sem voru yngri voru á rassgatinu, búnir að drekka landa frá því klukkan sex. Hvers á maður að gjalda? Mig langaði ekki í sex bjóra. Mig langaði í einn á meðan ég beið eftir því að hljónstin byrjaði að spila. Af hverju má ég ekki kaupa mér einn bjór á meðan ég bíð? Who's the stupid idiot sem ákvað það? Sýnið mér hann og ég skal skyrpa framan í hann. "Já en, tobbalicious, við íslendingar kunnum ekkert með áfengi að fara! Við yrðum öll á rassgatinu og allt mundi leysast upp í vitleysu." FOKK YOU! Þeir sem ætla sér að vera fullir voru það.

Fyrir utan gaurinn með hvítuna. Hann var ekki fullur.. ó nei... hann var með hvítuna og held ég ekki alveg að fíla mannfjöldann. He he he..

Svo mér var enn einu sinni refsað fyrir það að langa í einn bjór á meðan ég skemmti mér í góðra vina hópi. Er orðinn of gamall til þess að nenna að vera að kýla í mig áfengi áður en ég fer inn. Nenni ekki að vera að hella landa í poka, líma á magann á mér og smygla inn. Ég vil, þar sem ég er orðinn tvítugur, fá að versla mér áfengi á tónleikum, málverkasýningum eða bara hvar sem er þegar ég kýs. Hversu lengi þurfum við að hlusta á þetta rugl? Við hvað í andskotanum er fólk hrætt?

Þórarinn Tyrfingsson ég biðla til þín. Ég er nokkuð viss um það að þú ert skarpur gæi. Hámenntaður og myndir örugglega rústa mér í trivial pursuit. Losaðu ítök þín sem þú virðist hafa á löggjafarvaldi þessa lands, hjálpaðu okkur sem ekki langar til að vera fullir alla daga öll kvöld til þess að öðlast þann rétt til að fá okkur eins og eitt léttvínsglas eða bjór þegar okkur langar til. Viss um það að salan á álfinum myndi rjúka upp úr öllu valdi. Þrátt fyrir almenningsálit þá erum við ekki öll alkóhólistar.

Hjálpaðu okkur að öðlast þann sjálfsagða rétt að versla okkur hlut sem er löglegur, hvar og hvenær sem við viljum. Ekki svo óraunhæf krafa. Við erum nefnilega ekki að biðja um neitt mikið, aðeins frelsi til þess að gera löglega hluti í frjálsu, lýðræðislegu ríki. Búum við ekki einmitt í þannig ríki? Svo segir mér stjórnarskráin og líkt og biblían þá lýgur ekki stjórnarskráin.