Upplausn hjá Góðbjór???
Heimildir tobbaliciousar hafa tjáð honum að mikil og erfið valdabarátta eigi sér nú stað hjá stjórn Fríríkisins Góðsbjórs? Góðbjórar?.. skiptir ekki máli. Þessi barátta á sér langan aðdraganda og herma fréttir úr innsta hring að hún teygi sig alla leið til grunnskólans á Hellu og "Kosningasvindlið mikla haustið '80". Þar segja heimildir tobbaliciousi að einn ríkistjórnarmeðlimur telji sig enn eiga harma að hefna, telur að illa hafi verið að sér vegið og honum reynist enn þann dag í dag erfitt að fyrirgefa. Enn annar heimildarmaður tobbaliciousar tjáði honum að andrúmsloftið á ríkistjórnarfundum væri rafmagnað, óveðurský væru yfir fundarborðinu og ríkistjórnarmeðlimir opnuðu ekki munninn nema til þess að skiptast á uppskriftum.
Einnig segja mér heimildir að mikillar gremju gæti í Bjórmálaráðuneytinu eftir að Forsetaembættið hirti af því mátráðskonuna með loforðum um gull og græna skóga í erlendu ríki. Bjórmálaráðherra á víst að vera mjög óánægður með þessa framkomu og herma heimildir að Bjórmálaráðherra hefði látið eftirfarandi orð falla: "Mér sýndist mátráðskonan vera mjög ánægð hér í starfi hjá Framreiðslu- og kaffistofu. Við komum fram við hana af virðingu og litum á hana sem jafningja. Það að hún hafi látið glepjast af þessu gylliboði sýnir mér nýja hlið á Forseta vorum sem mér hefur verið hulin. Atvinnu- og jafningjastofa Bjórmálaráðuneyrisins mun líta á þetta mál og ef efni gefur til mun málinu verða beint áfram til viðeigandi stofnanna innan dómsmálakerfis Fríríkisins." Eru þetta endalok Fríríkisins? Munu ríkisstjórnarmeðlimir ná sáttum? Verður meira skrifað inn á síðuna þeirra? Fylgist með hér, ykkur færi ég glóðvolgar fréttir af framvindu mála.
Annars er það af mér að frétta að ég er enn innilokaður í eigin geðveiki. Veikindin vilja ekki yfirgefa mig og ég loks ánægður með það að eiga eitthvað sem líkist vini, neita að sleppa veikindunum. Ætli ég þurfi ekki að hóra mér til læknis og redda mér vottorði. Síðast þegar það gerðist var í mr og það var hlegið að því. Þurfti að taka stúdentspróf í leikfimi í gallabuxum. Átti ekkert að taka það, var með lungnabólgu. En alla vegna tók ég bara prófið, gekk vel þó ég væri í gallabuxum og peysu. Þegar ég svo hafði lokið mér af fékk ég að heyra frá leikfimikennara mr að ég mætti búast við því að verða lækkaður í einkunn fyrir það að hafa ekki mætt í leikfimifötum. Stundum þegar maður var minni hafði maður ekki vit á því að rífa kjaft. Skil ekki af hverju ég ber kala til mr? Bara skil það ekki?
Víst við erum byrjuð að rifja upp sögur úr mr, þá á ég eina í viðbót eru eiginlega tvær og hafa báðar með ensk ljóð að gera. Þannig var að ég tók munnlegt próf í ensku á svipuðum tíma og þetta blessaða leikfimipróf. Þar átti að lesa ljóð og útskýra síðan hvað það fjallaði um. Viðurkenni það fúslega að framburður minn á ensku er mjög íslenskusleginn. Tala líkt og sannur íslendingur. Svo kom að því að útskýra ljóðið. Svo ég útskýrði ljóðið líkt og ég skildi það, sá í ljóðinu ýmsa hluti sem ég útskýrði í löngu máli og benti óspart í línur til að útskýra mál mitt. Svo 10 mínútum síðar þegar ég hafði lokið mér af lagðist þögn yfir stofuna og kennarinn horfi á mig og sagði svo "Nei!". Svo nú vitið þið að það er bannað að hafa eigin skoðanir á ljóðum. Svo passið ykkur ef þið slysist til þess að lesa ljóð að redda ykkur nægum upplýsingum um hvað það fjallar. Bara til að fyrirbyggja miskilning. Hin sagan er þannig að spurnin í enskuprófi var á þessa leið: Útskýrið með eigin orðum um hvað eftirfarandi ljóð fjallar um. Ég mótmælti því harðlega að hafa ekki fengið fullt fyrir þessa spurningu. Hvernig er hægt að gefa fólki vitlaust fyrir að útskýra ljóð með eigin orðum?
Vonandi verð ég ekki veikur á morgun. Stefnir allt í það að ég éti af mér handlegginn. Til að bjarga geðheilsunni sko.
No comments:
Post a Comment