tobbetto

Klapp klapp klapp

Verð að óska þeim snillingi sem kom með það ráð að fjarlægja öskubakkana sem stóðu fyrir utan háskólabyggingarnar. Klapp klapp klapp. Það er rosalega rómantískt og flott að sjá alla sígarettustubbana fyrir utan núna. Glætan að ég ætli að fara í 10 mín. gjöngutúr til þess að finna það út hvar þeir settu þá. Hvað gengur að þeim? Datt þeim virkilega í hug að einhver myndi ekki reykja fyrir utan bara að því það vantar öskubakka? Nú er það eina sem þá vantar tvo reykingaverði í fullt starf til þess að vísa fólki frá inngöngunum.

Vonandi hafa þeir fengið tillöguna frá lýðheilsustöð(lesist "mesti óþarfi í heimi"). Velti því fyrir mér hvort þeir væru þá til að senda einn starfsmann til þess að þrífa þetta upp? Ég er neyddur til þess að henda stubbunum á jörðina. Mig langar ekki til þess en ef ég hef ekki öskubakka nálægt mér þá nenni ekki ég að leita einn uppi. Kemur ekki til greina. "En þú valdir það að reykja og þú átt því að koma þessu frá þér!" I. Don´t. Care. Ef þeir vilja endilega hvetja mig til þess að henda stubbnum á jörðina þá er þeim að takast það fullkomlega. Ef ég hef öskubakka fyrir framan hendi ég stubbnum þar ef ekki þá fer hann beint á jörðina. Ekki nema ég ætti að drepa í sígarettunni og henda henni svo í ruslið inni? Það er kannski betri hugmynd? Þar er það komið. Stubbarnir fara héðan af í ruslið inni í stofu. Sjáum til hvernig þeim finnst það.